~● انـت خــال الهم فينـي والمـشـاكــل عــمهــا ●~

**aSwaar** · #1 25-03-2008, 12:37 PM

~~~~~

يا حبيبي لا تفكر يوم عن عيني تروح
دام طعناتك تجيني ومن غلاك اضمها
إي طيب ،، إيه أحبك .. والغلا فيني سموح
و إنت خال الهم فيني والمشاكل عمها
ما يهمها شي عيني غير شوفك في وضوح
و انت عينك غير جرحي يا ترى وش همها

يالي تقول البال ما عاد يطريك
البال بالك وانت حضرة قمرها
ساعة لمحتك صوت قلبي يناديك
و الروح فزت لك و زفت خبرها
بكل الغلا يا معذب القلب مغليك
تسهر عيوني وانت سبت سهرها

همست لك يازين أحبك
وبشويش سمعتك يا بنت مشتاق
منهو بحياتي ياغناتي يشبهك
منهو مثيلك طيب الأصل وأخلاق
ياليتني ساكن يازين قربك
وياليتني يازين لحضرتك سواق
غرست شوقي ياوليفي بصدرك
واعلنت حبك للملا ليل واشراق

حبيبي عجل بوصلك ترا في شوفتك تشفى
جروح عنها المفارق كشر أنيابه
وجروح عن ناظر أهل الحب ما تخفى
عيب الهواى يا صاحبي ما يستر أصحابه
منها اشتياقي و منها عين ما تغفى
صار السهر صاحبي وأمسيت بكتابه
فيني مشاعر جليه وانت ما يخفى
عليك حر الجوا و الحب واتعابه
حبك فضحني ولكن لي معه وقفه
يا تفتح الباب له يا تقطع أسبابه

ما بين ( الإسم و الإسم ) وما بين قلبين
إلا رساله حبرها من عروقي
أرسلتها مره ومره و ثنتين
للي سكن بأقصى حنايا خفوقي
أقول فيها يا عسى حالكم زين
مبطي ومبطي وجابني اليوم شوقي

تدور على الحزن مثلي ومثلك كم يحب الصعب
وانا اسأل يا عسى منهو تحبه ما وقف نبضه
مشيت دروب من حزنك وغيرك ماسلك له درب
ولا فكر اذا ربعه ذهب او بعضهم فضه
ترا بعض الحكي يخدع يصبونه بوجهك صب
واذا زار الدمع خدك تلاشوا بس في غمضه

تعبت من طول السهر وانتظاره
ابستريح اليوم ماني بسهران
شفت الهوى يذوي عشت احتضاره
ولاني بموهوم ولاني بغلطان
هان الغلا يا كيف قفى نهاره
قالوا سلام الله على كل ما كان

أنـا الإنسـان فـي داخـل تجاعيـده يعيـش الطيـن
أنا الأكثر وضوح من الوضوح الغامض الإنسان
أنـا ذاك الطريق المنتهي فبدايته تدرين
وش اصعب من طريق مالقى فـي داخله عنوان

خلها على الله ما هي أول خساره
ويـا قلبي اصبر يمكن تكون خيره
إن كان ما وده يجي باختياره
اللي خلقه الله خلق ناس غيره

حبك سراب وصرت خاين و غدار
واثرك على درب الوفى منت وافي
جازيتني عقب المحبة بالانكار
الله حسيبك والليالي العجافي
لأجلك سهرت وهلت العين مدرار
ولأجلك وهبت القلب والحب صافي
و هذي النهايه ما مضى صار تذكار
يكفي كفايه ماحصل منك كافي

~~~~~

وتظل المشاعر الحزينة مكبوتة ً داخل النفس
لا يعلم مدى تأثيرها إلا انت يا من تعاني منها
فإجعلها حبيست صدرك
و واجها بجلاد صبرك
حتى تغيب و تتلاشا من تعابيرك وملامحك
وتصبح شيطانا ً يحلق في مخيلتك
ويهرب كل ما استعذت منه

الموضوع لـ : Bo7umoD

المصدر: منتديات بنات دوت كوم

Z● hkJj oJJhg hgil tdkJd ,hglJaJh;JJg uJJliJJh ●Z

الموضوع الأصلي : ~● انـت خــال الهم فينـي والمـشـاكــل عــمهــا ●~ || القسم : "الأرشيف" مغلق || المصدر : منتديات بنات دوت كوم || كاتبة الموضوع : aSwaar

**![الأماكـن]!** · منذ /25-03-2008, 03:05 PM

هـلا حبيبتــي أسوار ..
حذفت الجزيئـه الأولـى والأخيره لمـآ تحويه من آيـآت ..
وهذا لايلييق ..بديننـآ وأظنه..مايجوز الجمع بين المسجات والآيـآت وياهلا بـك ..

**aSwaar** · منذ /25-03-2008, 06:05 PM

~{ heart
.. نورتيني حبيبتي .. :**
و آسفه اني حمعت بين الأمج و الآيات .. ما كنت أعرف انه مايجوز ..

تسلمين و حياج الله .. :005:

**روووح روان** · منذ /25-03-2008, 07:35 PM

واااااااااااو
من جد رووووووووووعه
تم الحفظ
تسلمين ياقلبووووو

**ازقرتيه** · منذ /25-03-2008, 07:51 PM

ما بين ( الإسم و الإسم ) وما بين قلبين
إلا رساله حبرها من عروقي
أرسلتها مره ومره و ثنتين
للي سكن بأقصى حنايا خفوقي
أقول فيها يا عسى حالكم زين
مبطي ومبطي وجابني اليوم شوقي

اسواار ..

شكرن ياا عسوولهــ على المسجات الحلوهــ ة يعطيجــ العافيهــ =)

**هتون السعد** · منذ /25-03-2008, 07:55 PM

تسلمين يالغلا ..

عالمسجات العسلسل .. ^^

الف شكر

**.. قطعة حلا ..** · منذ /26-03-2008, 01:33 AM

رووعهـ

كلـ الشكر لكـ

**Dallo3a** · منذ /26-03-2008, 09:52 AM

مسجات رووعهـ

يسلمو غلاتو ,,

**قلب هاجر** · منذ /26-03-2008, 04:51 PM

مسجات رووووووووووووعة
يسلموووووووووو

<قلب هاجر>

الذين يشاهدون محتوى الموضوع الآن : 1 ( الأعضاء 0 والزوار 1)