آآآآه يا قلي ..

**g!rl** · #1 13-01-2007, 11:46 PM

السلااام علييكم .. شخباااركم شلوونكم ..

هذيي اوول قصه ليي اكتبها .. ان شاء الله القى منكم التشجييع ..

طيبعاً الاختبارات جايه .. وللأسف ما بقدر انزل الاجزاء بشكل منتظم ..

بو عبد العزيز ( خالد ) اكبر اخوانه :

عبد العزيز .. 25 سنه
ماجد .. 21 سنه
احمد .. 18 سنه

(عبد الرحمن) بو سعود :

سعود .. 21 سنه
ريم .. 18 سنه
بشاير .. 15 سنه

بو فيصل ( ناصر ) :

فيصل .. 23 سنه
شوق .. 19 سنه
دلال .. 18 سنه
فارس ..15 سنه

شيخه ( ام بدر ) :

طلال .. 29 سنه
بدر .. 24 سنه
سلمى .. 18 سنه

وآخر العنقوود سلطان .. 25 سنه ..

*******

خالد متزوج سارا بنت خاله اللي ماتت من سنتين .. و شيخه متزوجه سعد اخو سارا اللي كان متزوج من قبل بس ماتت زوجته وعنده طلال .. اما عبد الرحمن متزوج نوره بنت عمه و ناصر متزوج سعاد اختها ..

*******

انتظر ردووووركم وتفاعلكم .. :)

المصدر: منتديات بنات دوت كوم

NNNNi dh rgd >>

الموضوع الأصلي : آآآآه يا قلي .. || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : g!rl

**g!rl** · منذ /13-01-2007, 11:48 PM

الباارت الاول ..

سعود يستعجل اخته : رييييييييم ... ريموووووو يلا بسرعه تأخرنا ..

ريم وهي نازله وتلبس الشيله : جايه جاايه ..

ام سعود طالعه من المطبخ : ما فطرتي يا بنتي ..

ريم وهي على آخر عتبه : ما يحتاج ما يحتاج .. يلا يمه مع السلامه ( وتبوس راس امها )
ام سعود : مع السلامه ..

ركبت السياره قدام واختها بشاير ورا ..

سعود : مره ثانيه ما بنتظر على طوول بمشي ..

ريم : لا لاا .. آخر مره توووبه ..

وصلوا مدرسة بشاير وهي للحين ما نزلت
سعود : بشووور يلا انزليي وصلناا ..

بشاير اللي كانت نايمه : هممممم .. طيب بنزل بنزل ... وطلعت من السياره ..

( سعود يدرس في الجامعه .. اسمر عيونه ناعسات بنيات شعره بني غامق طويل شوي .. متوسط الطول عريض شوي )

( ريم .. في ثالث ثانوي . جمال ورقه ودلع و دلال ونعوومه .. لها قلب كبيير .. عيونها وساع عسليات ورموشها كثاف وطوااال طويله ورشيقه شعرها بني غامق متوسط الطول وناعم قصته حلوه ومدرجه .. اللي يميزها عن باقي اخوانها غمازتها الوحيده على خدها اليسار .. وابتسامتها الساحره اللي ما تفارق وجهها ..)

( بشاير .. حبوبه وطيوبه ومرحه بس فيها شوية غرور .. حلوه لها نفس عيون اخوها سمره شعرها بني غامق قصير .. متوسطة الطول ومليانه )

بعد مارن جرس البريك في الدرج التقت ريم بدلال بنت عمها :
ريم : وييينك انتي لي ساعه وانا ادوورك ..

دلال: والله انتي اللي فجأه اختفيتي ..
ريم : المهم . عندي لك خبر حلووو .. كم تعطيني ؟؟
دلال: اممممممم .. اعطيك بووسه .
ريم : طيب رضينا بالبوسه .
دلال : يلا يلا قووولي ..
ريم : جدتي بعد يومين بتبات في المستشفى عندها فحوصات .
دلال : معا وجهك هذا خبر يفرح ؟؟
ريم : انتظري لحظه .. ورغووود خالتي بتبات في بيتنا .. بقول للبنات يباتوون معنا .. ها شرايك ؟ استاهل بوسه ؟
دلال وهي تبوسها على خدها : وهاااذي احلى بووسه لأحلى ريووم على احلى خبر .. يااا بعد هالدنيا والله ..
ريم بحزن : بس جدتي كاسره خاطري .. السكر مرتفع عندها والامراض تجمعت عليها ...
وهم يدخلون الفصل .. دلال : : اي والله .. المهم بعد كم يوم ؟؟
ريم بتفكيير : اليوم الاحد .. وهي بتجي الاربعاء .. يعني ما عندنا غير ثلاث ايام ..
دلال بحماس : ونااااسه . يلا يلا نكتب الاشياء اللي بنسويها ونشتريها .
ريم : لحظه لحظه .. تووني اتذكر .
دلال : وشووو ؟
ريم : الله وناااسه .. يوم الاربعااء عيد ميلاادها .. ونااسه ..
دلال وهي تجلس : احلفي ؟ يعني مافي وقت يلا نكتب الاشيا ..عشان اليوم العصر نروح السوبر ماركت ..
ريم وهي تطلع قلم ودفتر : طييب ..

وبدأوا البنات بكتابة الاشياء والحلوياات اللي يبغونها .
دلال: من وين بتشترين لها هديتها ؟
رين : امممم .. مدري والله .. شرايك اشتري لها ساعه ؟
دلال: حلوو .. بس انا شأشتري لها ؟
ريم وهي تتلفت : ما تلاحظين الفصل هدووووء ؟
دلال تتلفت : اي والله ..

رفعت ريم راسها الا تشووف في وجهها المعلمه مسكت الورقه وخشتها بالدرج .. وابتسمت في وجه المعلمه ..
المعلمه : شعندك انتي وياها ماكني واقفه ساعتين قدامكم ؟ ثااني مره حسووا بسرعه موو تعطلوون درسنا ..
دلال :خلاص استاذه آخر مره ما نعيدها ..
المعلمه : طيب طيب . يلا نبتدي الدرس ..

*******

كان في غرفته يقرا في منتدى من المنتديات .. ورن جواله .. رد ..

فيصل : هلا والله ..
سعود : هلا بك .. اخبارك فصوول ؟
فيصل : تماام التماام .. وانت شحالك ؟
سعود : بخير .. اقوول اليوم بتمر على مدرسة دلوول ؟
فيصل : ايه .. ليش ؟
سعود: تقدر تجيب ريم معكم ؟ انا اليوم مشغول شوي ماقدر امرها ..
فيصل : شدعووه سعوود انت تامر امر ..
سعود : مشكوور وماتقصر يلا ماطول علييك .. باي .
فيصل : باي ..

سكر التلفون وهو يفكر .. الله وناسه بجييب اليوم شيخة البنات .. يعني لازم اتكشخ واتزين .. يا ربي امووت فيها اموووت ..بعد ما تجهز نزل عشان يفطر وتفاجأ يوم شاف فارس جالس مع شوق عند التلفزيون ..
فيصل : انت ما رحت المدرسه اليووم ؟
شوق بسخريه : ليش هو متى رااح اصلاً عشااان يرووح .. هذا يومين غاايب ويوم يروح .
فارس : هي انتي لا تتظنزين .. انا اليوم تعبان وما قدرت اصحى بدري ..
فيصل يرفع يدينه ويدعي : الله يعينك يا امي على هالولد .. انت طالع على ميين .. ابي اعرف
فارس : ههههههههه .. طالع عليييك .
فيصل : ايي وااضح .. اقووول فطرتوا ؟
شوق : لا لساا ..
فيصل : اجل وش رايكم نطلع نفطر عالكوورنيش ؟؟ هنااك الجوو جنااان ..
شوق بحماس : الله وناااسه .. موافقه مواافقه عالفكره .. صراحه فكره تهبل .
فارس : وانا بعد بجي معكم .
شوق: طيب بروح اسأل امي اذا تقدر تجي معنا .. لأنها اليوم تعبانه شوي ..

راحت شوق لأمها واستأذنتها .. طلعوا شوق وفارس وفيصل ومروا على مطعم وخذولهم فطور ..

( فيصل .. يدرس في الجامعه .. فارس احلام كل بنت .. اسمراني شعره طويل اسوود . عيونه وساع بنيات طويل و عريض .. طييب وحبوووب و مرح )

(شوق .. هادئه ورومنسيه و فيها شوية مرح .. حلوه عيونها فاتحين وبيضا شعرها اسوود يوصل لين اكتافها .. طويله ومليناه )

(دلال .. في ثالث ثانوي .. حبوبه ومحبوبه ومرحه بس بزياااده .. ملامحها صغيره وطفوليه شعرها اسود وناعم .. قصيره وعاديه )

( فارس .. اصغر اخوانه شعااره في الحياه طنش تعش تنتعش .. ما يداني شي اسمه مدرسه .. في بينه وبين شوق شبه كبييير بس الفرق بينهم انها بنت وهو ولد )

عند باب الفصل .. ريم ودلال ينادون سلمى :
ريم : سلووووووووووووووم يلا تعاااالي ..
دلال : سلوووم بييفووتك تعاالي ..
سلمى : زيييييييين جايه جايه ..
طلعوا البنات من الفصل وقالوا لها عن رغد وجيتها ..
سلمى : مييين رغوود ؟ اييي عرفتها خاالتك رغووود اللي بتتزوج عبد العزيز ولد عمي ؟
ريم : ايي .. طيب اسمعي .. يوم الثلاثاء تجيين بيتنا وبنباات كلنا هناك ..
سلمى : والمدرس ؟؟ نغيييب ؟
ريم : ايي يوم واحد ما يأثر .. اقنعي امك .. طيب ؟؟
سلمي : ايواا بحااول .. بااارب ترضى ياارب
دلال: يوووه ريموو شوفي المعلمه جاااات ..
ريم مستعجله : سلوووم لا تنسسن اقنعييها ..اووكي ؟
سلمى : اووكي ..

********

على الكورنيش كانوا جالسين قدام البحر يستمتعوون بمنظره الحلووو .. وجمااله .. ومستمتعيين بالهواا العلييل ...... رن جوال فيصل .. كان بدر متصل .. رد :
فيصل : هلا والله .. هلا ببدوووور ..
بدر : هلاا فييك .. شخباارك ؟؟ وينك انت ؟
فيصل : ماشي الحاال .. انا الحين على الكورنيش .. تجي لنا ؟
بدر : والله فكره .. جايكم جايكم ..
فيصل: وينه مجوود ؟ جيبه معك ..
يسمع صوت ماجد من التلفوون : لا تخااف لاتخااف .. ما بخلييكم .. بقعد على قلووبكم ..
فيصل يضحك: زين اسمع .. فطرتوا انتوا ؟
بدر: لا والله ما بعد .. بجييب معي الفطوور ..
فيصل : يلا اجل انتظركم .بااي
بدر: باي ..

( .. بدر ..ابيضاني عيونه بنيات فاتحيين شعره طويل وكثيف اسوود .. طويل ومعتدل القامه .. يشتغل ..عنيد وماينفذ الا اللي براسه )

(سلمى .. جماالها أخااذ .. لها عيون المها وبيضا شعرها اسود سواد الليل مغطي ظهرها .. دلووعه ورقيقه وحساسه .. طويله ورشيقه )

وصلوا للمكان اللي قالهم عليه فيصل والتقوا فيه ..
فيصل : ها مجوود ما اشوف عزووز معكم ..
ماجد : عزوووووووووز .. عزووز من خطب رغد وهوو ماسك تلفونه ما يتركه من ايده ..
فيصل : الله يهنيه وعقبالنا .
ماجد يرفع يدينه : آآآآآآآآآمين .. يارب .
بدر: بدق عليه اشوف وينه ..

ودق عليه .. طووووط طوووط .. طوووط
عبد العزيز : الوو هلا بدوور .. شخبارك ؟
بدر: هلا بعزووز .. بخير انت شخبارك ؟
عبد العزيز : بخير .. اقول وينكم انتوا لي ساعتين ادوركم ..
بدر توه يتذكر : يوووووووه والله نسيينا آسفين يا ولد الخااال آسفين ..
عبد العزيز : شدعووه بدوور ماصار شي .. المهم وينكم انتوا الحين ؟
بدر: حنا في الكورنيش .. حسبنااك معنا في الفطووور .. ننتظرك ..
عبد العزيز : طيب جايكم جايكم الحين بااي ..
بدر: بااي وسكر التلفوون ..
ماجد : يالله نسيناااه ..
فيصل: شالسالفه ؟؟
بدر: ههههه .. اتفقنا معه نشوفه في البيت ونسينا يوم دقيت علينا ..
فيصل : اهااااا ..
بدر يناظر الواقفه عند البحر وحاطه السماعات في آذانها : مين هاذي ؟
فيصل: يوووه مسكييينه يا شوووق .. تركتك لحاالك ..
ماجد : عااادي اصلاً هاذي اختك من هي صغيره وهي عايشه لحالها .. متعووده البنت متعووده ..

الا ينط في وجههم فارس : هلا هلا شبااب شخباركم ؟
ماجد يناظر فيصل : شجابه هذا ؟ الحين حنا نبي نفتك منه في العصر يجي لنا من صباح الله ..
بدر : اوووووو مالي خلقه والله ..
فارس تكدر خاطره وبأسلووبه المرح : يااااربي محد يبغااني .. انا وحييييد وحييد في هالدنيا وحييد .. انا لازم انتحر لااازم ( يمزح )
ماجد يمثل دور الحبيبه : لاااتكفى حبيبي لا تمووووت .. لا تمووت من لي غييرك في هالدنيا .. ارجوووك لا تتركني انا محتاجتك ..
بدر : اقووول اسكت عنه .. فرووس .. ضف وجهك وانقلع لا الحين طرااق على وجهك ..
فارس : انا شسويت الحيين ؟؟ حراام علييكم .. ظلم كل اللي تسوونه فيني ظلم .. وييينك يا حموود وينك عني ما تشووف اخووك وعيال عمك شيسوون فيني ..

وطااااااااار لجهة شووق عشان يسلم من نعلة بدر . انفجروا ضحك عليه وعلى خفة دمه ..

عالساعه 11 ونص وصل عبد العزيز والتقى فيهم ..
عبد العزيز : وينه سعود عنكم ؟
فيصل : سعود مشغوول شوي ..

بدر كان سرحااااان ويناظر الواقفه مع اخوها فارس .. تسلم لي هالضحكه والله .. يا ترا يا شووق تفكريين في حد غيري ؟؟ بس اذا في بالها حد غيري انا بموووت .. بمووت لأني عاايش بهواها ..

ماجد : ياهووووو .. وينك انت وين رحت ؟
بدر:ها لا انا معاكم ..
فيصل ( بهمس ايي وااضح ) المهم انا برووح اشووف اختي اذا تبي شي محتاجه شي .. عن اذنكم .
الكل : اذنك معك .
وصل لعندهم .. فيصل: ها شوق مليتي ؟؟ تبين شي ؟
شوق : لا والله ما مليت ..لا سلامتك .. اذا بغيت شي بقول لك ..

ورجع فيصل لعند الشباب ..

جات بنت صغيره حلوه واموره لعند شووق .. كانت تلعب وراحت لشوق وشوق مااااتت فيها .. وكان قريب منهم واقف شاب ويناظر شوق بنظرات ماعجبت بدر .. راح بدر لشوق ..
بدر: شوق .!!
شوق: بدر ؟!؟ هلا ..شخباارك ؟؟ انت من متى هنا ؟؟
بدر: تعاالي معي .
شووق : ويين ؟؟ هناا المنظر فضييع شووف شوف لون البحر خياال ..
بدر بشوية عصبيه : اقولك تعاالي معي ..
شوق : بدر .. شفييك ؟
بدر : اوهووو بتجين ولا شلوون ؟
شوق : ياااربييي ليش دايماً تمشوونا على كيفكم .. مااني جايه ..
بدر: يعني السالفه فيها عنااد .. ( وجرها من ايدها )
شوق : بدر اترك يدي .. اقوولك اتركها ..
وتحاول تفلت يدها بس ماهي قادره لأنه مقوي قبضته عليها ..
شوق : هي هي انت .. بصفتك شنوو ماسك يدي ؟؟؟ شتبي الناس تقوول عنا ؟؟
بدر: ..........
شوق : والله لو يشوفنا فييصل يذبحناا .. اوووف اركني .. آآآي يدي ..
وجرت ايدها بالقوو وغطت وجهها بالشيله عشان محد يحس بدموعها وراحت على واحد من الكراسي ..بدر حس بدمووعها و عوره قلبه عليها ..وراح لها ..
بدر: شووق .. زعلتي ؟
شوق: ........
بدر : شووق ردي علي .. زعلتي ؟
شوق:.........
جلس بدر جنبها عالكرسي وقامت قام وراها وتقرب منها شوي ..
شوق : وخر عني .. شتبي انت ؟
بدر: زعلتي ؟
شوق: اوهوووو .. لا لا مااازعلت ..
بدر فرحاان : صج ؟؟ احلفي .!!
شوق : اكذب علييك انا ؟ بس الصراحه قهرتني ... يعني شفيها لو قعدت هناك ؟؟
بدر: اووه يا شوق يعني تبيني اخليك تجلسين والناس يناظروونك ؟
شوق: اي ناس ؟
بدر: ناس ما تعرفينهم .. المهم انا برووح تبغين شي ؟
شوق: سلامتك ..
بدر: صحيح للحين مو زعلانه ؟
شوق : ياربييي .. قلت لك لا لااااا .
بدر : ههههههههه طيب طييب ..
وراح لعند الشباب اللي ما حسوا بغيابه ..

********

على الساعه 1 استأذن فيصل من عند الشباب بعد ما وصاهم على شوق وراح لعند مدرسة دلال .. ويوم وصل قعد ينتظرهم ..
واقفين ينتظرون ويراقبون السيارات .. ينتظرون اخوانهم ..
دلال: ريمووو هذا اهي سيارة فيصل .. تعالي نوصلك ..
ريم : لا لا ما يحتااج .. الحين سعود بيجي ..
دلال : اوكي على راحتك .. باااي ..
ريم : بااي ..
راحت لعند سيارته المرسيدس الذهبيه وركبت ..
دلال : هلا فصوول ..
فيصل : هلا بييك .. اقول روحي نادي بنت عمك رييم .. سعوود مشغوول ووصاني اجيبها معي ..
دلال: توني قايله لها تجي معي بس هي ما رضت .. لحظه ثواني وجايه ..
راحت لعند ريم اللي للحين تنتظر ..
ريم: شفيك رجعتي ؟ نسيتي شي ؟
دلال : نسييتك انتي يا حظي .. اقول يلا اشوف قداامي قدامي .. اخوك مشغول ومايقدر يمرك ووصى فيصل يجيبك معي ..
ريم : ها اجي معكم ؟ لالالا استحييي .. مابي ماابي ..
دلال: ريمووو شفيك انتي .. هذا ولد عمك موو غريب ..
ريم : بس عااد استحيي ..
دلال: اقوول عطييناك وجه بزيااده ( تسحبها من ايدها )
ريم :زييين زيييييين لا تسحبييييين بمشي ..
وصلوا لعند السياره ركبت دلال قدام وريم وراها ..
ريم بصوت واطي : السلام عليكم ..
فيصل : وعليكم السلاام .. هلا بالريييم شخباارك ؟
ريم اللي بالموت تنطق حرف واحد من الحيا : تمام الحمد لله ..
دلال: اقوول فصوول .. مادرييت .. رغوود خالتي بتباات بيت عمي عبد الرحمن يومين ..
فيصل : متى ؟
دلال: يوم الاربعااء .. وحنا نبي نرووح السوبر ماركت والمجمع ووو ..
فيصل : ووو ؟؟؟
دلال : وماعندنا حد يودينا .. شرايك انت تودينا .؟؟
فيصل : افكر .. بس انتي مع ميين ؟
دلال : انا وريم وسلمى ..
فيصل : طيب بودييكم ..
دلال: ايوااا مشكووور فصوول ..
وقعدوا يسولفوون لما وصلوا لعند بيت عبد الرحم .. ونزلت ريم وتوجهوا لبييتهم ..

في الكورنيش فارس بينادي اخته عشان بيمشوون..
فارس : شووق .. يلا بنرجع البييت ..
شوق : ومن بيودينا ؟ فيصل راح لدلوول المدرسه ..
فارس : اي بدوور ومجوود بيودونا معهم .. لأن عبد العزيز مشى من قبل ..
شوق: اهاا .. طيب جاايه ..

ركبوا السياره وفارس وماجد ما سكتوا .. سوااالف وضحك .
ماجد : اقوول شوق .. ليش ما كملتي دراستك ؟؟
شوق : ماالي نفس .. دراااسه من بعد المدرسه .. حنا بالمووت افتكيينا منها تبيني ادرس زيااده ؟؟
فارس : وانا اقووول طالع على مييين .. اجل خلااص انا قررت ..
ماجد : وش قررت بعد ؟؟
فارس : قررت قراااار نهااائي ..
ماجد : عاد شهووو ؟؟ لايكوون بتطلع من المدرسه ..
فارس: علييييك نووور .. هذا اهو قراري ..
ماجد : فاااااشل .. بتطلع مره وحده ؟؟؟
فارس : فاشل ولا موو فاشل المهم بطلع ..
بدر : اوهوووو انتوا ما تسكتوون ؟؟ بطييتوا راااسي من هالقرقه اللي ما منها فايده ..
فارس : يااخي خلنا على راحتنا .. شفيها اذا تكلمنا ؟؟
شوق: صرااحه انتوا هذره ولا تنعطوون وجه ..
ماجد : هيي انتي .. ما كنك قرقتي معانا ..
بدر: اوووووووووووص .. اوووص راااسي بينفجر منكم .. اووص ..
تأففوا الثلاثه من كلام بدر ..
وصلوا البييت وهم متجهزيين لأكبر حنه وصرااخ من دلووول اللي ما بتخليهم في خالهم .. ليش ما خذتووني معكم .. وليش ما انتظرتووني .. دخلوو البييت واستغربوا من اللي قاعد يصيير ..!!! دلووول قاعده قدام التلفزيوون ولاكنه صااير شي .!!!
فارس : دلوول ( يلمس جبينها ) مريضه ؟ شفييك ؟؟ فيك شي ؟؟
دلال: شفيني ؟؟ ما فيني شي سلامتك ..
شوق : غريييبه .. غرييبه دلوووول ما حنت عليينا .. دلوول ترانا رحنا الكورنييش واستانسنااا ..
دلال: اي ادري ..
فارس: لااا اجل انا متأكد البنت فيها شي ..
دلال: انتوا رحتوا الكوورنييش .. حناا بنرووح المجمع والسووبر ماركت بعد مع ريموو وسلووم ..
شوق : وانا اقوووول شفيها ..
فارس : ههههه خذوني معكم ابي اشتري هديه لخالتي رغد ..
دلال: وانت شدرااك ؟؟ اكيييد بشوور قالت لك ..
فارس : ليش هالبشوور قد حد قالها شي وما نشرته عند الجييران والمدرسه والحي كله ؟؟
شوق : شالسالفه ؟؟
وقالت لها دلوول عن اللي خططول له مع رييم ..
شوق بحماس .. ونااااااسه ..

**********

في العصر دقت دلوول على ريم جوال .. طوووط طووط
ريم هلا دلوول ..
دلال: اهليين .. ريموو خلصتي ؟؟ حنا عند الباب ..
ريم : اي اي خلصت .. بااي ..
دلال: باي ..

طلعت ريم وركبت السياره وتحركت ..

دلال : فصوول .. اي مجمع بتودينا ؟؟
فيصل : ايبودييكم مجمع الظهراان ..
شوق : حلووو ..

وصلوا المجمع ونزلوا وكل وحده راحت في جهه .. ريم دخلت محل الساعات ودلال وشوق وسلمى دخلوا محل الميكياج .. اما فيصل راح لمحل النظارات .. دلال شترت لرغد عطر شانيل وغلفته بغلاف احمر وكريمي .. وريم اشترت ساعه حلوه فضيه وفيها قلوب بيض وخلفتها في علبه على شكل قلب احمر .. اما سلمى بدر بيشتري لها علبة حلاو من باتشي .. و شوق بتشتري لها باقة ورد .. قعدوا يتمشوون في المحلات .. دق فيصل على دلال وردت :
دلال : هلا فيصل ..
فيصل : وينكم انتوا ؟؟
دلال: حنا جنب كليرز .. انت وينك ؟
فيصل : يعني عند جيان .. اوكي جايكم ..
مرت خمس دقايق ووصل فيصل للبنات ودخلوا السوبر ماركت وتقضوا وعالساعه 8 ونص طلعوا من المجمع تعبانين .. وصلوهم بيوتهم وكل وحده رمت بنفسها عالسرير وغطت في سااابع نوومه ..

********

انتظر ردووووركم ...

**كاتي المغربية** · منذ /14-01-2007, 04:28 AM

تسلملي حبيبتي متشوقة اعرف القصة:char0248 بنتضار باقي الاجزاء
وشكرا ليكي

**@الفراشة الناعمه@** · منذ /14-01-2007, 09:55 PM

القصه روعه بانتظار البارت الثاني

**ليتني** · منذ /14-01-2007, 10:51 PM

وااااااااااااااااااااااااااو
القصة حلوة
نتريا التكملة

**g!rl** · منذ /15-01-2007, 05:57 PM

هلاا بالبناات .. اسعدني وجوكم حبيباتي ..

وبحط البارت الجاي لعيونكم ..

بس لهالدرجه اسلووبي مو حلووو ؟؟

**توأم الـروح** · منذ /15-01-2007, 06:53 PM

هلا هلا..

أكيد بدايهـ حلوهـ منكــ..

و أنا رووح قلبي القصص..

يلا انتظر..

:: كان الرد برعايهـ ::

::
توتو
::

**g!rl** · منذ /15-01-2007, 10:58 PM

اممم بكرا بحط لكم البارت ..

بس عندي سؤال .. البارت طويل ولا قصييير ؟؟

**ليتني** · منذ /16-01-2007, 12:00 AM

قصيررررررررررررررررررررررررررررررررررررررر
لكن نريد باااااااااااااارت طويل

**g!rl** · منذ /16-01-2007, 12:11 PM

بنزل لكم بارت .. بس عاد لاااااازم ابغى توقعات اووكي ؟؟

توقعااات .. اوووكي ؟؟

البـــــارت الثــــــانــي .. b:7

كان في غرفته منسدح على السرير وماسك اسواره ذهبيه وغااارق في بحر من الافكاار .... كان يتذكر الموقف اللي عمره مابينساه .. في العطله اللي فاتت مانوا مأجرين مزرعه والبناات يتمشوون في ساحة الالعااب .. ضحك ووناسه وسوالف ما ناقصهم الا وحده اللي هي سلمى .. كانت في ذاك اليوم تعبانه شوي وجالسه في وحده من الغرف وحييده .. نزلت المطبخ اللي كان فاضي خذت لها كاس ماي مع حبتين بندول وكلتهم .. وهي طالعه دخل من الباب الخارجي .. تفاجأت سلمى يوم شافته وداست على قطعه مبلله وزلقت .. جا بيساعدها بس هي رفضت وقامت من مكانها ووجهها مصبووغ باللون الاحمر .. ركضت لفوووق الغرفه .. وهو التفت عشان يطلع بس لفت انتباهه اسواره ذهبيه مكان اللي طاحت فيه .. ناداها بس هي ما سمعته ..اخذها واهو ناوي يرجعها لها بس للحين ماقدر يرجعها .. وكل ما تذكر ذاك الموقف يزيد حبه لها ..يتذكر شلون كان وجهها ملون باللون الاحمر وعلانات التعب باينه من ملامحها يتفدى في هالجمال الرباني .. ومع الوقت قرر انه يحتفظ في هالاسواره وبلافعل احتفظ فيها وصار ما يفارقها .. قطع عليه حبل افكاره صووت الباب .. رد : الباااب مفتووح ..
انفتح البااب وطل منه راس اخته وحبيبته ريم : سعووود .. مشغوول ؟؟
سعود : لا لا .. تفضلي .. ودخل الاسواره في جيبه
دخلت ريم وجلست على الكرسي اللي قدام السرير : شلوونك شخباارك ؟؟ اليووم ما شفتك .

سعود : والله تمام .. الحمد لله .. شكلك فرحاانه ..فرحينا معك
ريم : اي والله فرحانه .. اي صح قبل لا انسى ..سعووود عندك افلاام رعب ؟؟
سعوود مستغرب : افلام رعب ؟؟ ليش انتي ما تخافين ؟
ريم : اييي ابغاه للسهره بكرا .. بنسهو على فييلم
سعود يتذكر : اذا ماخاااب ظني في الدرج الاخيير بتلقيين افلام .. اختاري واحد .. بس فييه وااحد .. ينشف الدم ..
ريم : ايي ابي السهره تطلع حلوووه .. عشان بكرا بيجون البنات وبنجهز للحفله ..
سعود: اهااه .. طيب شمخططاتك للحفله ؟
ريم: امم .. بكرا بيجوون البنات وبنجهز المجلس للحفله وبننفخ بلووناات .. وبنزين الماك .
سعود: وبعديين ؟
ريم : بعدين بنسهر وبنستانس وبننام مع بعض .. لحظه .. انت اشتريت لها هديه ؟
سعود : اي شتريت ..
ريم بحماس : اقدر اشووفها ؟
اشر لها على الدولاب ودلاها مكانها لقت علبه سوده خذتها ورجعت مكانها ..
سعود : افتحيها ..
فتحت ريم العلبه لقت نظاره شمسيه حلووه .. سوده وفيها على جنب ثلاث كريستالات .. انبهرت ريم من النظاره .. كان شكلها جناان .
سعود : هاا شرايك في ذوقي ؟
ريم : تهببببببل يا سعوود تهببل .. فضيييييعه .. ابي مثلها ..
سعود يضحك: ان شاااااء الله في عيد ميلادك ..
ريم: صراحع ذوقك عجييييب .. مرررره حلوه ..
سكرت العلبه ورجعتها في الدولاب
ريم وهي تجلس : سعوود .. انا حااسه انه فيك شي ..
سعود : شي ؟؟ مثل شنوو ؟
ريم بخبث : مدري انا احس .. مجرد احسااس .. سعوود افتح لي قلبك و ريح نفسك ..
سعود يتنهد : آآآآآه يارييم .. شقوول وشخلي .. اللي في القلب كبيييير .. حتى البحر ماقدر يشييله
ريم بحنيه : قوول ياخووي قوول يمكن ترتااح شوي قوول ..
سعوود بهمس: انا احب ..
ريم بعدم تصديق: شقلت ؟؟ تحب ؟؟!!! ميين ؟
سعود : اي .. انا احب يا رييييم احب .. احب احلى بناات العالم وارقهم .. انسانه ملكت قلبي وقفلت عليه .. (بقلق) بس مدري يا رييم خايف ..
ريم : خايف من شنوو ؟
سعود : خااايف يكوون بقلبها حد غيري .. في ذاك الوقت انا راااح امووووت امووت يا ريم اموت ..
ريم : بسم الله عليك شهالكلام .. من هي ؟ تقرب لنا ؟
سعود : سلمى .. سلمى هي اللي ملكت قلبي وهي اللي راح تكون شريكة حياتي .
ريم بصدمه : ســـلـــمى ؟ ليييه يا سعوود ليه سلمى ؟
سعوود بخوف : لييش شفيها سلمى فيها شي ..
ريم بحزن : بس سلمى يا سعوود ..........
سعوود : شفيييها سلمى ما تقوولين ؟
ريم بحزن : انسى ياسعود انسى .. انسى سلمي انساااها ..
سعود بأنفعال: طيب لييييه ؟ تراك للحين ماقلتي ..
ريم تصارخ : انسااااها وبس .. انساها يا سعوود تكفى انساها ..
ناظرت سعوود بحزن شافته منزل عيونه ويناظر الارض .. شافت في عيونه الحزن .. الحيره .. الصدمه .. كاان تاايه .. ماقدرت تستحمل اكثر قامت من مكانها عشان تظلع بس سعود وقفها بكلمتيييين نزلووا الدموع من عيونها ..
سعود بحزن ويناظر الارض : تدرين ياريم .. تدرين انك بهالكلمه قتلتيني ؟ اي قتلتيني .. بكلمة انسى.. انسى؟ انسى حبي حبي الاول والخير .. (يبتسم) انسى الملاك اللي ملك قلبي في يووم من الايام .. مستحييل مستحيييييييييل انسى ياريم مستحيل .
سكت شوي ورفع راسه لريم وشاف دموعها ..
سعود: رين أنا آسف .. آسف عىل الكلام اللي قلته .. بس .. بس ما استحملت .. انسي السالفه .انسي اللي صار ..
ريم بأبتسامه بسن دموعها : ماصار شي وحصل خير ..
طلعت من الغرفه ودموعها تنزل من عيوونها .. رجعت لغرفتها وانسدحت على السرير .. يا ربي شهالورطه .. شهالمصييبه .. لييش سلمى يا سعوود لييش سلمى بالذاات ؟ بس سلمى تحب ماااجد .!!!!!! ياربي ساعد اخووي .. انا لازم اكلم سلمى لااازم ..
للحين يفكر في اللي قالته ريم .. انسى ؟؟ ليش ؟؟ يعني ممكن تكووون سلمى ....... لالا مايصيير تحب غيري .. يلربي الحين شلون اعرف اللي صار ؟ اوووه تعبت من التفكيير .. طلع من غرفته ودق الباب على ريم .. فتحت الباب .
سعود: ممكن ادخل ؟
ريم طبعاً .. تفضل ..
دخل سعود وقعد على السرير واشر لها تقعد قدامه .. سعود: ريم .. زعلتي ؟
ريم بإبتسامه : ازعل ؟ ازعل من اخووي وحبيبي سعوود .؟؟ لا لااا غلطاان مستحيييل ازعل منك .. المهم انت انسى اللي صار اليوم ..
سعود : صار اليووم ؟ ليش شصار اليووم ؟ اصلاً انا نسييت وانتي الحين بتذكريني ..
ريم : لالاااا ماصار شي اليوم ما صار شي ..
سعود يضحك : اقول ريم شرايك اليووم نرح بيت عمي خالد .. من زماان ما زرناهم ..
ريم : فكره .. صارلنا اسبوعين مازرناهم .. يلا اقوم اتجهز .. وانت بعد قووم غير ملابسك ..
سعود وهو قايم : ان شااااء الله عمتي ريم ..

********

في بيت بوخالد كان احمد يذاكر في الصاله لأن الامتحانات قربت وهوو يبي يجييب نسبه عاليه ومجمووع قوي يدخله الجامعه .. جاله ماجد وهو ياكل ساندويش في ايده .
ماجد: انت ما تشبع مذااكره ؟؟
رفع احمد راسه : وانت شحارك ؟؟ ولا تبيني اصير مثلك .!!!
ماجد بزهوو : شفيني انا ..؟؟ شحلااتني وشزينني
احمد : اقووول ترااك ازعجتني .. ويين عزووز عنك ؟
ماجد: عزووز في غرفته ..
جلس ماجد عالكنب واخذ له واحد من كتب احمد وهو يتصفحه : الحمد لله رب العاالمين اللي فكني من هالبلوى اللي اسمها مدرسه .. الا اقوول .. سعوود صار له مده ما مر علينا بالبيت ..
دق الجرس .. احمد : قووم .. قوووم عني وفكني .. قوم شوف من عند الباب ..
فتح ماجد الباب وشاف سعود واخته
ماجد: هلااا بسعوود هلاا بالرييم شخبااركم ؟؟ وينكم عنا من زماان ما مرييتوا ؟
سعود: بتخلينا هنا واقفين عند الباب ؟
ماجد: تفضلوا تفضلوا ..
دخلوو الصاله وسلموا على احمد وقعدوا يسولفون ويضحكوون على سوالف ماجد اللي ما تنمل ..
ريم : ما ودكم نطلع الحديقه ونشرب شاي و حلى ؟
احمد : اي والله المذااكره سدت نفسي ..
ريم وهي تقوم : اجل يلا اقوم اسوي الشاي والحلى ..

طلعت ريم الصاله وفي ايدها صينية الحلى . ريم : يلاا ما طلعتوا ولا غيرتوا رايكم ؟
ماجد : لا بنطلع .. يلا شباب قوموا قوموا ..
قاموا الشباب للحديقه الصغيره الموجوده في سوور بيت بو عبد العزيز .. قعدوا عالطاوله ..
ريم اللي كانت واقفه : وينه عمي ؟؟
ماجد: ابوي ي داخل في غرفته ..
ريم : برووح له اسلم عليه .. واشوف يمكن يبغى شي ..
دخلت ريم غرفة عمها بعد مادقت الباب .. شافت عمها قاعد على الكرسي ويقرا قرآن .
ريم : السلام عليكم ..( وتبوس راسه )
بو عبد العزيز : وعلييكم السلاام .. هلا والله هلا بالرييم..
ريم وهي تجلس هالكرسي : شخبارك عمي ؟
بو عبد العزيز : الحمد لله .. انتوا شلونكم شلون امك وابووك ؟؟
ريم : الحمد لله الكل يسلم علييك ..
ريم وهي تتفحص وجه عمها : شفيك عمي ؟ احسك تعبان ..
بوعبد العزيز بقلة حيله : تعباان ؟ خلااص والصحه رااحت يا بنتي و صعب ترجع ..
ريم : ليش ياعمي شالتشاؤم ؟
بو عبد العزيز : من ماتت سارا الله يرحمها وانا حاس ان محد يرعاني .. محد يحس فيني ..
ريم بمرح : الله يهداك عمي وانا وين رحت ؟
بو عبد العزيز بأبتسامه: انتي ؟ انتي نوور عيني .. انتي بلسم جروحي .. الله يوفقك .. متى اشوفك عرووس .. والله اني خايف اموت ولا اشوف ذاك اليوم ..
ريم بزعل : يوووه عمي شالكلاام ؟؟؟ خلااص انا زعلت .. انا زعلانه زعلانه .
بوعبد العزيز : والله انا ماقدر على زعلك .. الحين شلوون نراضييك ؟؟
ريم : انك تنسى الكلام اللي قلته ..
بوعيد العزيز : خلااص ما اعييده مره ثانيه .. للحين زعلانه ؟؟
ريم بأبتسانه: وانا اقدر ازعل على عمي الغاالي ؟؟
وقعدوا يسولفون شوي .. ريم: اقول عمي .. وش رايك تطلع مع الشباب الحديقه ؟ هناك الجو حلوو والقعده ما تنمل .. سواالف وضحك وونااسه ..
بو عيد العزيز : والله يالييت ..
قام بو عبد العزيز عن الكرسي وساعدته ريم ليما وصلوا للحديقه.. سلم سعود على عمه وجلس على واحد من الكراسي يسولف معهم ..

( عبد العزيز .. يشتغل .. خطيب رغد ..طيب وما يشيل في قلبه شي .. هادئ وثقيل )

(ماجد.. يدرس في الجامعه .. بشرته حنطيه وطويل ملامحه رجووليه .. خفيف دم ويدخل القلب )

( احمد .. في ثالثه ثانوي .. شكله عادي .. عايش بين كتبه ودفاتره .. حياته كلها دراسه في دراسه ... ماعنده حد قريب منه يفضفض له .. وهذا الشي خلا اهله وقرايبه يقولون عنه معقد!! ثقييل دم!! .. مايدروون انه طيب وحنوون لأنهم ما تقربوا منه .. )

بوعبد العزيز واولاده يعتبرون ريم وحده منهم وفيهم .. يعني بحسبة اختهم .. كل يومين او ثلاثه هي وسعود يزورون بيت عمهم وهذي عاده عندهم من الصغر ..

بعد ساعتين من القده الحلوه والسوالف اللي ما تنمل ... أستأذنوا سعود وريم وطلعوا وراحوا البيت ..

********

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)