زيّڪ المدرسي [تصاميم لمريولڪْ]

[S a h a r «]

[رفيعة المقام]

بسم الله الرحمن الرحيم

موديل , موديلات , افكار , حركات , سمبل , راقي , كلاسيكي , انيق , 2011 , مراييل , مريول , لبس , مدرسه , سكول المريول المدرسي لبس مهم .. كل يوم تقضين ساعات طويله وانتي لابستنه .. فلازم المريول يكون معبر عن شخصيتج وستايلج ودينج .. ويكون مريح وانيق .. بعرض لكم موديلات كنا نسويها ايام الثانويه .. وتدرون موديلات المرايل مب وايد تتغير لانها سمبل وفورمل .. يعني من كنا في الاعداديه , حوالي 6 سنوات الاستايلات نفسها بس شويه تغيير .. اللي يحلي المريول الجسم الانيق + الاهتمام بالجمال .. جمعت لكم ستايلات مختلفه , بعرض افكاار بس .. لاني ما ادري كل دوله ومدرسه لهم ستايل .. فبعرض لكم مجموووعه كبيره من الافكار اليديد والسهله .. وانتي بعد ترومين تطلعين افكار من اي صوره .. لان مافي موديلات في النت للمرايل .. ومحد يصمم , ولا حد يهتم غير بنات السكول المتوهقات .. ممكن تقتبسين حركات , مثال .. جاكيت اديداس 2011 .. اول ما شفته قلت : خير , ماله خص بالمدرسه .. لكن بديت اطالع تفاصيله واركز ع الحركات .. والنتيجه كانت 4 حركات تقدرين تسوونها : الاولى : طرف الكم مطاط او استرج .. الثانيه : الخطوط على الكم .. ممكن هالخطوط تكون شرايط نفس لون القماش , او اغمق بدرجه .. الحركه الثالثه: السحابات العريضه ع الرقبه , الصدر , المخبى (الجيب) الحركه الرابعه: الجيب (المخبا) المايل , وحلو اللي ع الصدر .. فهمتوا قصدي .. اللي اقصده ان الدنيا متروسه موديلات وستايلات , بس مب على مراييل .. فالمفروض انج تفكرين كيف تحولينها لشي مناسب لذوقج ويطلع حلو ع المريول .. البساطه شي لااازم .. المريول تقدرين تسووين فيه شغلتين .. اولا , القماش .. يلعب دوور مهم ومؤثر >> لاعب هجوم مثلا ههه بجد القماش يخليج ستايل بدون حركات في المريول .. شوفي مريول بابايا الجينز , الرد 23 في هالموضوع.. خذي قطعه غريبه ومتميزه وغاليه .. وخيطيها عادي .. وتذكري ان الاقمشه اليديد تزل قبل المدرسه بفتره قصييره .. احيد لما كنت في 3 ثانوي خذيت قطعه روووعه .. مخططه بالطول والعرض بنفس اللون (بس مب كاروهات) , والخطوط خفيفه وماتبين من بعيد .. كانت القطعه عذاب والكل يسألني من وين .. انا خذيتها من محل واايد غالي بس غريب ومب متعوده اسير عنده انا اسير عند محلات النسائيه اللي ناخذ من عندها الفساتين والمخور بس هذا كان يبيع اقمشه نسائيه في الطابق الارضي وشويه بس الاغلب رجاليه , في الطابق الثاني ..!! تخيلو لقيت درجات الرمادي والكحلي والاسود بالهبل .. مخططه , مربعات , بلمعه , واشياء تشيب شعر الراس .. وهم بعد اقمشه البدلات الرجاليه الراقيه ..!! اسمه اقمشه الاتحاد عندنا في مدينه العين .. اهم شي البنت ما تاخذ شي رجالي , لانه حرام .. بس في شغلات نسائيه , ناعمه وكلها انوثه في محلات مكس.. ثانياً : الحركات .. قصات خفيفه وبسيطه .. عندنا 4 اماكن في المريول .. الكم , الصدر , الخصر , آخر المريول .. يكفي مكان او مكانين فيهم حركات .. اذا كانت الحركه اوفر , مكان واحد يكفي والباقي ساده وما فيه موديل الكم .. الموديل الاول , الازرار كل سنه تنزل موديلات ازرار .. من القرن مدري كم والناس تلبس ازرار هالشتا والربيع كانت موضه الملتريز (العساكر) اهم ستايل جاكتات للسنه .. بجد حبيت ازراره لما تكون ذهبيه او مرسوم عليها .. وعندنا الازرار الملونه , قديمه بس فنكي .. احس مريول الازرار شي اساسي , كل سنه لازم واحد .. اهم شي تبتكرين طريقه رص الازرار .. ممكن تسوينها ع الكم والصدر / اطراف المريول من تحت (ع اليمين واليسار) ممكن تسوين 1 وممكن 10 ,, ع راحتج .. الموديل الثاني , الكم المنفوش .. يصلح بس للاقمشه الخفيفه .. اقتبسي الافكار من هالصور + ابدعي وغيري شرات ما تحبين .. ولا تنسين ان اي موديل وحركه تقتبسينها بس ببساطه ولا مبالغه .. طبعا انتي تخيليه بلون وقماش مريوولج .. لا تطالعينه على اساس انه شيفون .. حبيت الموديل , ناعم وانيق .. الكم واسع و آخر ثلث فيه ضييق .. والصدر تقدرين تسووين فيه الخطوط العموديه من نفس القماش .. حبيت حركة الهاي نك + فتحه الصدر , بجد نااعمه .. كم واسع وآخره ضيق .. فيه طبقتين , ما اعجبني ابد .. هالكم كانو البنات يسوونه عندنا .. كسفات عاديه .. ملاحظه : تقدرين تسووين نفس هالحركه تحت في آخر المريول .. بس تكون اخف واصغر .. نفس الفكره .. الكم واسع شوويه , وفيه مطاط ماسك على اليد في مواضع معينه .. احس مكان واحد (الكوع) + طرف اليد يكفي .. اذا حابه .. ممكن تسوين مطاط عند طرف اليد + دانتيل بسيط من نفس لون المريول .. ادري انه جاكيت دفش .. وايد بنات وشباب الثانويه في مسلسلات يلبسونه .. الحركه اللي فيه .. اطراف الياقه + اليد فيهم شريطه بلون فاتح , عكس المريول .. قصه الياقه حلوه , تقدرين تصغرين فتحه الصدر .. الجيوب بعد حلوه وانيقه .. موديل قميص , بس يصلح للمريول .. كم واسع , وماسك من تحت .. هذا سمبل .. طالعي حركه الصدر .. حلوه الفتحه وآخرها قطعه كأتها لصقه .. الاكمام ابداع.. سويها كأنها بالغلط طلعت قصيره , بعدين عدلتيها وحطيتي زياده من تحت .. نفس فكره كم اللي قبل , لكنه في كسفات بس اوفر .. لو شويه كسفات خفيفه بيكون احلى .. حبيت حركه الكتف .. منفوش شويه والكم عادي .. ايضا الصدر حلو , مرتفع .. الموديل الثالث .. الكم النظامي حلو يكون الكم شويه منفوش وبعدين عادي .. فكره الازرار ع الصدر + الفيونكه .. والازرار على اليد .. حلوه الفيونكه اللي ع الرقبه تربطينها بنفسج .. واليد سمبل وكسفات خفيفه .. حركه الصدر حلوه .. كسفات بالعرض , وسحاب بس ع الصدر , مايتحدى طوله شبر .. يكفي 2 او 3 كسفات ويا ازرار .. الموديل الثالث .. الكم القصير .. شي غريب وفنكي .. بس لا تقصرين واايد .. مجرد 3 او 4 انش تكفي .. حلو , حبيت الكسفات آخر شي .. ناعمه وانيقه .. اوووفر, اذا سويتيه خفيف بيكون احلى .. قصير ومنفوش .. الصدر .. اما بـ رقبه , او بدون رقبه .. الرقبه طويله , او قصيره .. حلو الموديل, رقبه وفيه فتحه صغيره ع الصدر .. ادري قديم , بس كلاسيك ودوم نشوفه في السوق او التي في .. احس الكشكش ماله داعي .. الاثنين نفس الفكره .. هاي نك , بس الاول فيه فتحه الصدر .. الحلو الكسفات , حاول تسووين كسفات جدا خفيفه وبسيطه .. الحزام عادي ومن نفس قماش المريول .. هالحركه سوينها ايام 3 ثانوي .. الهاي نك يكون بدون كتف , رقم 8 .. ممكن تسوينه بدون كسفات .. بدون رقبه .. حركات فنكي .. كشاكش ع الصدر , كل ما كانت اخف , كل ما كانت احلى .. لاحظوا الازرار الصغيره الذهبيه , موزعه ع الصدر .. شوفي البروش الصغير ع الصدر .. وفكره الخصر حلوه .. حزام شاد ع الخصر وفي اطرافه ازرار بنفس لون المريول .. تووب .. بجد حبيته .. حلوه الكسفات ع الصدر , بس اووفر .. لو تسووين اخف بتكون احلى .. لاحظي الكم نفس الاستايل .. الحزام عادي .. الخصر وآخر المريول .. عرضت بعض الافكار خلال شرحي عن الصدر + الكم .. واحس احلى الحركات ع الصدر والكم .. ماله داعي الباقي .. ممكن لو حابه تسوين حزام .. او آخر المريول تسووين دانتيل / شريطه حرير بنفس لون المريول .. وفي الاخير .. اتمنى انكن استفدتن من الافكار .. اعيد واكررر , بس عرضت لكم حركات .. لان النت ما فيه مراييل, بس فساتين وبلوزات وتنانير .. فحبيت اني ارويكم طريقه اقتباس وتفصيل مريول مستوحى من ملابس آخرى.. يعني تخيلي التفصيل بس بقماش مريولج .. وتذكري كل ما كان الموديل سمبل , كل ما كان احلى .. * خبريني اي حركه حبيتي , واي بتسووينها ..؟؟ * تقييمكم ..! ودمتن انيقات ..

[خيال™]

يعطيڪ العافيهه رفوععآ مرهه حبيت المدوييلآإآت .. ومثل مَ مآقلتي حلو الوحدهه تهتم بمريولهآ لانها تقضي اكثر من 6 سسآعععات واهم شي يڪون انيق ونعععععوم مره انيقه وعججبتني . . لڪن للاسف مخخالفه عندنا مره خورآآآآآآفي وحبيتها ڪڪڪثير + حبيت حرڪة الازآريير . . صديقتي بتسويههاآ ، مشان ڪيذا مابسويها شي شي شي ثثثثثآني خوورآفي الموديل لڪن مريولنآ قطعهه وحدهه .. ان شاء الله العام الي بعد العام ههذا بتڪون مرايلنآ زي ڪيذا مرهه حبيت الموديلإت . . لڪن اڪتفيت بالتعليق ع الصوره ههذي المريول الي بسويهه جمعت اڪثر من حرڪه بسيوها مثلأ حرڪة الازإآرير الي فَ الڪڪم وبسوي ڪسرتين وبدخل لون البيج فَ المريول وبس تم تقيمڪ

[لُجين]

رفيعة المقااام
الله يجزاااك الجننه يااارب
ماااقصرتي والله
كفيتي ووفيتي الله يسسعدك

بس الحييين أبـا أسألكم كلللكم
فكرو معايا شويا
بسوي مريولين ومراييلنا الثانوي فـ جدة شيال أصفر مقلم بأبيض وتحته قميص ابيض
الموووهيم
واحد بسويه من فووق زي كذا ::




والثاني من فوق مربع >> فتحة الصدر يعني

والاثنين ماسكه ع جسمي طبعا


المطلوووووب:::
كيييف اسوي الجيووب
لأني ما أبغا المخفي اللي في الجنب
ينفخ المريووول
عطووني آرآءكم بليييز

وشوووكرا مقدماا

[خيال™]

^
لاتسوين ججيوب
ولا سوي جيب وآحد بس . .

[لُجين]

^
^
مشكلتي أحتااااج ما أستغني ولا كان ارتحت

[чσsнα]

Łựјάỉŋ¨ツ°

لـآ لـآ مو حل انك تشيلينهـآ
شوفي ممكن ما تخلين الجيب مخفي
خليه لبرآ ، يعني بيكون فوق المريول
حطيت لك الصورة في المرفقات

[لُجين]

чσsнα
تماااام علييك هذا قصدي يكون الجيب برا
اللي جبتيه مررا حلو موديله بس احب يكون شكل انعم
العام سويت جيبين مخفيه بس حطيتها قدام يعني يبان بس من فوق زي المستطيل وسطه فتحتة الجيب
بس ابغى اغير الحيين

عمووما متشكره أوووي
ما قصرتي ياقلبي

[لُجين]

بناات كأني قررت اسوي المريول اللي فتحته مربع جيب واحد كبير شويا قدام ع الفخذ ويكون نازل شوويا بسس
والثاني يكون برضو جيب واحد تحت السحاب في اليسار
اش رااايكم؟؟
خلاص اخخر مره ازعجكم بس علموني الحين وخلااص

[м α d е Ŀ е ı n е]

مودِيل مريولي السَنة ذِي :