العودة   منتديات بنات دوت كوم > ♦ خارجَ التغطيۃ ! > الأرشيف > و كانت لنا في الأعوام الماضية "بصمة" > صندوق ذكرياتـــنــا ..
◊ - الـقـوانـيـن - مواضيع لم يرد عليها ◊ مركز تحميل بنات ~ قالوا عنّا ~ سجل الزوار ~ أعلني معنا !

 
 
أدوات الموضوع
  #1  
قديم 19-01-2007, 09:52 PM
الصورة الرمزية شظايا دموع
شظايا دموع شظايا دموع غير متصلة
بنوتة محلقة
صاحبة الموضوع
 
تاريخ التسجيل: Jul 2005
الدولة: بين شطآن أحزانيـــ
المشاركات: 227
قوة التقييم: 19
شظايا دموع is on a distinguished road
المشاهدات: 3880 | التعليقات: 17 بعد غياب... `*:• ألم وأمل •:*´ زهرة حياة& المـ الحزينـ ـلاك..


`*:•ألم وأمل•:*´


××زهرة ح ــياة & المـــــ الحزينـ ـلاك××

بعد أن أغلقت كتابي.. وأغلقت معه بعضا من أحلامي بالعودة..

ها أنا أعيد وأفتح ما أغلقت.. بعد أن أكملت في قصتي فترة ليست بالقصيرة..
عشت مع شخصياتها بكل دمعة.. وكل بسمة.. وكل مصير..

هاهي تعود ألم وأمل بعد أن أوقفت مسيرتها ..

فلا أدري أكلماني التي كتبتها فيضاً يستحق قراءته؟؟ أو أنها مجرد خربشات لطفلة لا تعرف التعبير أو الإنشاء؟؟
أهي كتابات جيدة وممتعة؟؟ أم إنها مجرد لعبة و تسلية لوقتي الكئيب؟؟
أهي أحلام سطرتها.. أم مجرد شظايا في سطور أوراقي..

وها أنا الآن أعود وأنقش حروفها مع توأم روحي "المـــ الحزينـــــ ــــــلاك"
:

:



لكنـ قبل ان ابدأ..




:
هناك من تستحق ان اسطر لها حروفا قد تكون قليلة بحقها..
من احبها حبا قد لا تحتويه سطور دفاتري..
من خذلتها.. من هدمت جسور آمالها..
لكني وعدتها.. واتمنى لو أفي بوعدي..
قد اكون لا استحق صداقتها.. لكني بدونها لا اعلم من سيحميني.. ويساعدني..
:
:

أسطر حروفي هنا.. لصديقة لا أقوى على مدحها..
لاخت لا أقوى على فراقها..
لمن لا أريد وداعها..
مـ الحزينـ ــلاكي..
:
شو اللي بكتبه لأجلج..
أكتب حروف الشعر ولا أكتب دقات قلبي..
شو اللي بهديه لأجلج..
أهديج أعياني ولا روحي يا حبيبة الروح..
شو اللي أقدر عليه..
بالله خبريني..
أنت غناة الروح وانت بوسط حشاي..
وأنت توأم الروح ومالي بفرقاج..
:
توأم روحي..
هذا إهداء مني لج..
:

:

سأبدأ بوضع الأجزاء من الفصل الثالث..

وهذا الرابط به الجزئيين السابقين من ألم وأمل..




أحداث سابقة:
حور.. تقدرون تقولون عنها إنها طفلة جاهلة وسط هالكون.. يموت ابوها قدامها.. ويحطها بحفظ إخوانها اللي عمرها ما شافتهم.. وأول مرة تعرف بوجودهم.. عمها العود"خالد" بيعاملها بقسوة لأنه حاط بخاطره من أبوها.. والعم الأصغر "محمد" الوحيد من يهتم بها ويراعي مشاعرها متزوج من أجنبية وعنده منها ولد "سعود".. أما خالد فزوجته "نورة" وعنده منها ولد واحد "خليفة" وكان مسافر عسب الدراسة.. وثلاث بنات العودة "علياء" بالجامعة.. والوسطى "بدور" وهي ما تحب حور.. والصغيرة "العهود" وهي طيبة وحبوبة..
فتصير لحور مشاكل ومواقف كثيرة..




fu] ydhf>>> `*:• Hgl ,Hlg •:*´ .ivm pdhm& hglJ hgp.dkJ Jgh;>>

الموضوع الأصلي : بعد غياب... `*:• ألم وأمل •:*´ زهرة حياة& المـ الحزينـ ـلاك.. || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : شظايا دموع


عدد زوار مواضيعى Website counter


التعديل الأخير تم بواسطة شظايا دموع ; 19-01-2007 الساعة 09:55 PM

  #ADS
:: إعلانات ::
Circuit advertisement
 
 
 
تاريخ التسجيل: Always
الدولة: Advertising world
العمر: 2010
المشاركات: Many
 

:: إعلانات :: is online  
قديم منذ /19-01-2007, 10:18 PM   #2

المـ الحزينـ ـلاك
بنوتة new

    حالة الإتصال : المـ الحزينـ ـلاك غير متصلة
    رقم العضوية : 30227
    تاريخ التسجيل : Nov 2006
    العمر : 34
    المشاركات : 18
    بمعدل : 0.00 (مشاركة/اليوم)
    النقاط : المـ الحزينـ ـلاك is on a distinguished road
    التقييم : 10
    تقييم المستوى : 0
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 527
    استعرضي : عرض البوم صور المـ الحزينـ ـلاك عرض مواضيع المـ الحزينـ ـلاك عرض ردود المـ الحزينـ ـلاك
    تجديني هنا :
     MMS :

MMS

افتراضي

احم احم .. بصراحة ما اعرف ارد شو اقول .. اسمحيلي زهرة حياة ما اعرف ارد عليج .. ما اعرف شو اقولج .. اعتقد السكوت ابلغ ..

و هذا هو الجزء الأول من الفصل الثالث ..و عاد اسمحولنا بنطول شوي في الأجزاء يعني ما بتنزل على طول .. لأنه نحن ثانوية عامة و الشغل راكبنا من ريلنا لراسنا ..




`*:•ألموأمل•:*´

الفصــــــــــــــــالثالث ـــــــــــــــــــــــل:..آمـــــــــــــــال غــــائـــــبــــــــــــــــة..

:
الجــــــالأولـــــــــــزء:لحظاتمنحزن
:
كل ما اقفلك يا باب.. يفتح لي الحزن مليون..
:
:
:
"الــــيـــــــــــــــــــــازيــــــة"
ليتني كالطفل ما همني في دنيتي غير لعبتي..
وليتيني كالطير لا طرت في العالي ما تغمرني غير فرحتي..
وليتيني كل ما تمنيت أنزرع حلمي وتحقق لي مرادي..
ليتيني إنسان فاضي ما في بالي غير ضحكتي..
ما أدري شو الحل ؟؟ وشو الدنيا تسوي بي.. هالعيد خلص وما أحسه بعيدي.. شو هالحياة اللي نعيشها.. كلها وهم وخداع.. كذب وما فيها غير الحقد.. كنت قاعدة في حجرتي.. في بيتنا.. بعد ما مرت أيام العيد الثلاثة.. البارح كان يوم كئيب.. أبوي هزبني لأني ما اتصلت بإخواني من أبوي.. يعني كيف يبغيني أسأل وأنا حتى سلام مب لاقية منهم.. معتبرتنهم غرب.. بس أعتقد إن المفروض هم يسألون ويفتكرون لأنهم الأكبر وهم قدوتي.. يعني بالعقل إذا هم ما سألوا أنا بسأل؟؟ ولا بس في يوم الحاجة يتصلون ويسألون..و بعدين ولا أعرف عنهم شي..فديتها والله يدتي محد مونسني غيرها.. أدري إنكم ما تعرفون عني شي.. وهذي أول مرة أتكلم فيها عن نفسي.. آه.. شو بقول عن عمري.. انسانة عادية.. مالي في هالدنيا ونيس غير حزني.. بتقولون معقدة.. وأنا بعدي صغيرة والمفروض ما أتكلم جي.. بس دنيتنا صارت جي.. تعاملك على حسب فلوسك.. تخدعك وتضحك عليك.. تدوسك وتلعب بك.. مالج أمان يا دنيا.. بس شو نقول.. يا ليت أيامنا ترجع مثل قبل.. تذكرت الكلمات اللي سمعتها من حور..
ياليت ما ضينا يعود.. وترجع لنا صدق الوعود.. تبقى سمانا صافية.. لا برق فيها أو رعود..
ياليت يغشانا الهنا.. وتهجر ليالينا العنى.. والشوق يجمع شملنا.. ينمو في داخلنا ويسود..
أشعل ظلامك بالهوى.. واروي فؤاد ما ارتوى.. في بحرنا نعبر سوى.. نعطف على الحزن ونجود..
هذي المودة زانها.. رب العباد وصانها.. بنلثم جنا حتى بستانها.. حتى توارينا الورود..
ما به غموض في الوله.. الحب حل المسألة.. طير التسامح أسأله.. تلقاه دايم في صعود..
شكثر الدنيا حلوة لو سادها الحب بدون زيف المشاعر.. يغنيها الإخلاص بدون ما تخربها الخيانة والغدر.. نحس بطعم اللمة الحلوة.. بدون ما نخاف من الكلام الجارح.. يسودها عفو وتسامح ويطير بنا في دنيا ما فيها بروق و لا حتى رعود..بتحسوني وايد أتفلسف.. بس هذا الواقع اللي نعيشه.. ومشاعري هي اللي تخليني أتكلم.. آمالي الذابلة هي اللي تشجعني اشكي.. بس وين اللي بيسمعني وبيحس بقيمة كلامي..
أرد لنفسي.. أنا عايشة مع أبوي وأمي.. ويدتي من أبوي.. وعندي خوان أولاد بس ما عندي خوات غير وحدة من أبوي وعندي بعد أخوان ثنين بعد من أبوي بس ما اعترف فيهم لانعدام العلاقة من بينا.. بتستغربون من هالشي.. بس بقولكم.. أحمد ربي إني اعرف إنهم موجودين في حياتي.. علاقتي مع خواني من أبوي جدا سطحية.. أما أخواني الثنين الباقين ما ادري عن هوى دارهم.. واحد لاهي وي حرمته وعياله ومدلعنهم وناسي أخته الفقيرة المحبوسة في هالبيت.. والثاني كل يوم يا رايح دبي يا بوظبي يا كارفور وما يقر في البيت.. وأبوي لاهي بشغله.. وأمي قعدات الحريم عندها ما تخلص.. والانسانة الوحيدة اللي أقعد معاها هي يدتي.. الله يخليها لي ولا يحرمني منها.. وباقي العائلة ما أشوفهم غير في الأعياد.. وبالنادر إذا بسلم عليهم.. مرات أحس لو ودعوا ما بتأثر وايد.. يمكن أبالغ بس مرات أحس بقهر كل حد يرمس عن أهله.. وعمي وخالي وأنا الفقيرة ما عندي حد أرمس عنه.. وايد أرمس صح؟؟ بس الواحد مرات يوم يحس بالخنقة يقعد يتكلم بدون ما يحس بعمره..
قمت من كرفايتي بعد ما خلصت آمالي.. وبطلت شنطتي.. بعد كم يوم مدراس ولا سويت شي.. وهذيل المدرسات يخبلون في الواحد.. كله يتشرطون.. هذا من غير الكتمة اللي انكتمنا فيها بعد قرارت الوزارة الغبية.. يعني حد يكتب تقرير إنجليزي!! ولا المدرسات كيف يتشرطون.. الكيمياء تقريرها تبغيه يخص الكيمياء بالغصب حتى لو الموضع ماله علاقة.. ومنكرهم اليديد الفصل الثاني تبغي تقريرها زيارة ميدانية.. وين بنعق بعمارنا؟؟ ومنو بيتفيق لنا؟؟ إلا جان بدور باص وكاميرا وتفكنا هذا شي ثاني.. وابلة الإنجليزي تتشرط على الخط تبغيه 12 وبدون دبل سبيس .. والكل لازم مراجع من اكثر عن كتاب ومب واحد.. على الأقل اثنين.. من وين نيب لهم كتب ما ادري؟؟ روحها راس الخيمة مفتقرة..ما عندنا غيرهالمجمع الثقافي نروح اندور.. وابلة الأحياء تتمنكر تبغي نكتب لها اسم الكتاب والكاتب والطبعة ودار النشر والصفحة اللي خذناها منه.. والمقدمة تبغيه بصفحة بروحها شو بنكتب ما نعرف!! مشكلة يوم المدرسات يتشرطون يطلعون العجايب.. هذا غير الاختبارات الشفوية والملاحظات.. يعني لا تأخير ولا شردات.. فتحت الكمبيوتر واشتغلت شوي وبعدين مليت ويلست العب..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"حــــــــــــــــــــــــــــــــــــــــور"

عمتي بتوصل بعد كم يوم.. يا ترى كيف شكلها؟؟ وين كانت؟؟ شو طباعها؟؟ وشو بشوف منها؟؟ أحس بالخوف كل ما اسمع عنها وأتذكر إني بقابلها بعد كم يوم.. ما ادري ليش؟؟ ما ادري شو بشوف منها؟؟ ما ادري كيف بتعامل معاها؟؟ لا تلوموني صعب إني اعرف هالاهل كلهم بهالعمر وبالوقت اللي صرت فيه أعرف أفكر وأسأل..
..&*^(ما بودي بشوفها ولا بودي بضمها.. )^*&..
يا ربي.. مع كل خوفي شوقي لها محيرني.. ودي اعرفها وأسألها عن أبوي.. ودي تكلمني عن حياته الماضية.. عنه وعن وصوفه.. ودي أتعرف عليه من وصف غيري.. ودي أحس بالفخر مع كل كلمة تقولها عن أبوي.. أقولها هذا اللي تمدحيه أبوي هو اللي علمني وهو اللي رباني.. ودي تقولي عن سوالفه وذكرياته معاها.. عن كل كلمة قالها وكل لحظة مر بها.. بس ما ادري إذا كانت أحلامي أوهام أو إنها فيوم بتلبس ثوب الحقيقة والواقع.. تمنيت هذي الأسئلة أسألها لأعمامي.. بس أخاف افتح جروح أنا في غنى عنها.. وما ادري إذا في يوم بتجرأ وبسأل عمي أو حتى عمتي.. يا إلهي أنت المعين..
..&*^(شوق حواني ملئني لأتعرف عليها..لست أدري اهو الواجب..أو أنه شيء طالما حلمت بتملكه..أو انه الحب الذي زرع بقلبي.. فدمهم منغرس في شرايني)^*&..
شفتوا إن حبي لها كذبة من ثواني قلت: ما بودي بشوفها.. وإنقلب شعوري وتغير وقلت: حبهم في دمي ما تبدل..
أكذب على نفسي إن قلت ما عدت مهتمة بهم..
أكذب على نفسي إن قلت جفاهم عندي أعيادي..
أكذب على نفسي إن قلت مصابي منهم ما عاد يجرحني..
أكذب على نفسي وأحاول أصدق كذباتي..
أحاول وأدري إن الكذب باين من عيوني..
قلبي يتحكم بي.. يهواهم مرة ويكرهم ألف مرة..
يدورهم مرة .. ويبعد عنهم ألف مرة..
ما ادري شو بشوف منج يا عمتي.. بحبج ولا بكره الساعة اللي شفتج وعرفتج فيها..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"خليــــــــــــــــــــــــــــــــفة"
يا حلوها الإجازة.. صح اختربت والسبة هالحور بس ماعليه مردودة يا بنت عمي.. أحسني تعبان من الرحلة.. رحت أنا وربعي صوب عمان.. وقعدنا هناك في بيت واحد من الربع.. جور رائع والأحداث حلوة.. كنا نتسابق ونتراكض ونتكافخ.. على الأقل أحسن من إني أروح وي هذيل.. ووين حديقة صقر اللي ما فيها ألعاب غير هالسياير والغزال وقطار الماي واللي مرة خربان ومرة ما فيه ماي.. بس ما نقول غير الحمدلله.. وهذي" ايمانو" أكثر عن مرة اتصلت بي بس ما رديت عليها.. ما عندي وقت أصلا.. مشكلة وبلشت عمري بها.. بس نتسلى بها لين ما نحصل وحدة عدلة.. شوي وأبوي يتصل بي..
خليفة: السلام عليكم..
خالد: وعليكم السلام..
خليفة: ها أبوي.. أشوفك داق.. آمر بغيت شي..
خالد: هي يا ابوك.. روح عند أمك وافتحوا الملحق.. ورتبوه.. وغيروا أثاث الملحق كامل.. وأنت تدري عمتك بتي هي مع ولدها ناصر وبنتها شجن ..وبنتها الثانية ابتسام تدري بها بتي من الشارجة وي ريلها عسب تسلم على أمها..
خليفة: ليش هي متى بتي؟؟
خالد: بعد يومين..
خليفة: خلاص أنت تأمر..
خالد: لا تنسى..
خليفة: إن شاء الله..
خالد: خلاص عيل مع السلامة..
خليفة: مع السلامة..
الله يستر من عمتي.. هذي لسانه طويل.وأكيد بدقق في كل شي.. فضولية ومحد يقدر عليها.. مشكلة الحريم العيايز.. بس عسى قعدتها في لندن نص عمرها تغير فيها أشياء وايد.. خل أقوم أباشر الشغل..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"شـجـــــــــــــــــــــــــــــــــــــــــن"
أدري إنكم ما تعرفون عني شي.. حياتي بتتغير لما أرد الامارت.. عشت طفولتي في لندن وأجواءها وتسايرت مع كل شي فيها.. استهنت بأشياء وايد المفروض ما استهين فيها.. والحين الله يعيني على التالي.. ما بتكلم عن نفسي وايد.. بس بعدين بتعرفوني عدل.. بس تدرون أحس بمرارة إني بهد البيت اللي تربيت فيها.. ربعي.. وناسي اللي هني.. تعودت على لندن وأجواءها.. تعودت إني اطلع بدون شور.. لأنه شي عادي.. بس ما ادري هناك.. هالشي مرفوض..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"شريفــــــــــــــــــــــــــــــــــــــة"
غريبة يا دنيا كيف تمشين.. مر وقت طويل من آخر مرة رديت فيها البلاد.. ومر وايد وقت لين ما اتخذت قراري بإني أرد.. بس كل حد لازم بيرد لأصله.. يا ربى عيال ولد اخوي كيف أشكالهم الحين.. وحور اللي انصدمت بها مثل ما انصدموا أعمامها كيف شكلها.. يا ترى تشبه أبوها ولا هذيج المسودة الويه أمها؟؟ بس أنا كنت آخر من يعلم.. وهذا الشعور يقهر.. بس هذا اللي صار.. ما ادري كيف هذي نورة تعاملها.. تحن عليها ولا تجفيها.. الله يعين عيال المسلمين بس.. أنا وايد تغيرت.. الحياة في لندن غيرتني.. يتني فترة ما قمت التزم وايد بالحجاب.. بس لما أرد لازم أغير هالشي.. لا تتوقعوني عيوز وعمري فوق السبعين.. لا أنا بعدني في الأربعين..تزوجت بسرعة..ومن كم سنة بس ترملت.. وكنت أصغر وحدة من أخواني.. يالله كلها كم يوم وأرد الأمارات.. خل أروح ارقد لأني باجر بتلعوز وايد..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"بــــــــــــــــــــــــــــــــــــدور"
الله يا حلوها هالايام وأنا انتظر عموتي اتي من برع.. يا ترى شو مشترية لي؟؟ وشو يايبة معاها.. فديتها شكثر احبها.. بس يا ربي بنتها كيف شكلها مول ما اذكرها.. اللي اعرفه إنها اصغر عني بسنتين.. يعني بعدها في أول ثانوي.. يا ترى برتاح لها ولا؟؟ وعادي هي بتدرس عندنا ولا عسب المناهج بتدرس في خاص؟؟
ما ادري بها.. بس قهر اليوم اللي بتوصل فيه عمتي مدارس.. شو هذي الوزارة الكحيانة.. وهذا وزيرنا الطمة.. ما عرف يعدل القرارات غير يوم أنا في الثانوية .. خرب علي.. كنت ناوية ألعب وعلى فترة الامتحانات بدح وبذاكر.. بس ما عليه.. آخر شي ما بدرس في الجامعة.. بدرس في جامعة خاصة.. أحسن لي..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"حــــــــــــــــــــــــــــــــــــــــور"
ردينا نشقح في المدرسة.. تدرون صرت أحب قعداتي في المدرسة اكثر من البيت.. لأني قمت ارتاح بجوها أكثر عن البيت.. ليش يا حسرة منو عندي في البيت استانس معاه غير سعودي و عمي محمد.. يا ترى شو أخبار البنات؟؟
×× في المدرسة..
وصلت الصف أشوف البنات مسوين قعدة ورى وقاعدين يأكلون.. وبدوني..

اليازية: حور.. تعالي.. اصب لج بيبسي..
أمل: شو بلاج تخربينها من الصبح ببسي.
اليازية: لو بتحبني خلك قدها.. اشرب بيبسي..
حور: يالمتفيجة..
سمية: حور.. امسكي نصيبج.. سندويشة جبن عشانج..
اليازية: شو عندج.. أغار أنا..
نوف: ما عندج سالفة تغارين من سموي..
سمية: يالله عاد.. ما صارت كلمة قلتها..
حور: شو بلاكم.. تونا صباح الخير.. "يزوي".. صبي لي بيبسي يالله محد بيخربنا غيرج..
اليازية: هذا يزاتي ايب لكم فطور.. أقول مالت عليكم وعلى اللي يعبركم..
وكملناها سوالف والجرس ضرب ونحن بعدنا نسولف.. عشر دقايق ولا نحصل هزاب من ابلة الرياضيات
الابلة: انتوا ما تسمعون الجرس.. قوموا طابور..
اليازية"بصوت واطي": اخفوا الجريمة..
بغت اليازية تقوم صبت البيبسي كله.. وتعرفون البنات.. هااااااااااااااااااااااااااااااااااااااااا
الابلة: شو هذا.. تيبون بيبسي المدرسة ومن صباح الخير تشربوه..
سمية"بصوت واطي": شكلها الابلة حاطة عينها علي البيبسي عسب جي طاحت الغرشة..
امل"بصوت واطي": صخي عن تسمعج..
الابلة: بسرعة نظفوه.. وشو هذا.. صمون وجبن.. جان يبتوا طماط بعد أحسن..
اليازية: هي والله.. نسينا.. خلاص باجر..
الابلة: تسهبلين انت..وشو فايدته المقصف؟؟
اليازية: ابلة انتوا أكلكم مب حلو.. إلا الفلافل يابسة.. والبطاط اللي فيها ما يناكل حجر....
حليلها بغت تكمل السمفونية.. وتطلع اللي بخاطرها..
الابلة: حمدي ربج.. ناس يدورون هالاكل.. طوفوا جدامي بسرعة..
واليازية تسوي لنا مسرحية برع.. شوي وتصيح..
اليازية: حرام عليها هذي ليش تصرخ.. أنا ما قلت شي.. يعني حرام جان يبنا أكل وكلنا وفطرنا بدل ما نتريق في البيت.. ولا عشان ما تنقص ميزانيتكم..
الابلة: انتوا بعدكم واقفين.. روحوا بسرعة.. بنات ما ينعطون ويه..
اليازية: انتوا اللي محد يفتح وياكم سالفة.. عيايز..
ونحن البنات.. هههههههههههههههههههههههههههههههههه.

×× الحصة الأخيرة.. "الكيمياء"..
كنت سرحانة ومب منتبهة باللي ينشرح.. قاعدة أفكر بالدنيا كيف هي قاسية.. أفكر بالزمن كيف يتغير بدون ما نحس فيه.. كنت أطالع ويه اليازية.. وكيف تضحك.. أحسها بدون هموم.. عايشة حياتها بالطول والعرض.. ما أحسها مهتمة بشي أو يشغلها شي.. يا ترى يا اليازي شو اللي يفرحج كل هالكثر؟؟ طلعت مني تنهيدة بدون قصد.. ما كنت أصلا حاسة فيها.. شوي واليازي أدقني..
حور: شو بلاج؟؟ >> ناسية إني في حصة.. اسولف عادي..
اليازي بطلت عيونها.. وتمت تطالع الابلة.. اطالعت صوبها اشوف النظرات مركزة علي.. اوي شافتني اتنهد وأكيد بتضايق.. مرة احين أنا خايفة على مشاعرها.. طنشت وابعدت نظرها عني.. صديت للدريشة اللي مجابلتني كانت مفتوحة.. حلو الجو.. يا رب متى بيطيح المطر..
يا رب اغفر لوالدي وارحمه.. عيوني حرقتني بهاللحظة.. مسكت عمري عن ما أصيح..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"الــــيـــــــــــــــــــــازيــــــة"
×× بنفس الوقت.. "الحصة الأخيرة"..
..&*^( أحس الكون ما به ناس.. أحس الموت يطويني.. )^*&..
حسيت بالنفس ينقطع عني وأنا أتذكر اللي صار البارح.. ما ادري كيف تحملت أضحك وأنا أحس بطعم الدمع فيني..أخوي ضربني البارح لين ما حسيت إنه قطع ويهي كله.. ذبحني بس لانه معصب وطلع حرته فيني.. والله ما قلت له شي.. مزاجه زفت صرخ في أذني انقهرت منه ورديت عليه بعصبية.. يمكن أسلوبي معاه زفت بس هو اللي بدى.. يعني ما سويت شي يستاهل الضرب.. ومحد يدافع عني في البيت غير يدتي.. تدرون أحس بالخوف.. خايفة من بعدين؟؟ شو بيصير؟؟ ودي الدقايق ما تمر وتعلن بداية اليوم الثاني.. خوفي من بكرة.. بس مرات أتمنى الأيام تركض وما أحس بها.. بس عشان ما أحس بطعم الموت.. ويمكن الأيام تغير لي حياتي..
صديت صوب حور أشوفها تطالع السماء يترقب.. أحسها تتريا شي وايد حلو.. صديت برع وشفت السماء.. الجو حلو.. والغيوم مغطية.. يا رب يطيح المطر.. يالله كيف مشتاقة للمطر.. مشتاقة ألعب تحته.. أمسح فيه حزني.. اتذكر في فرحي تحته.. انسي عمرى وأقعد ألعب والعب والعب لين ما تخلص قطراته كلها.. انتبهت إن الابلة تطالعني انا والحور.. ومعقدة بعمرها..ههههه حليلها محد منتبه وياها.. الصراحة مدرساتنا مشتقين مرات يشرحون والبنات مب معبريهم.. اللي تاكل.. واللي تتذكر حبيبتها وتتفداها وتكتب لها رسايل.. واللي تعلق وتسولف مع ربيعتها.. واللي تفصفص في المدرسة تطالع لبسها وكشختها.. واللي لابستنها وقاعدة تقرا في قصة رومانسية يابتها من البيت.. يغمضون.. وأنا وحدة من هذيل اللي يذكرون حبيبتهم ويتفدوها.. فديتها عقلة الإصبع مالتي.. بنات فاضيات ولا كأنه نحن بنات علمي..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....
"شـجـــــــــــــــــــــــــــــــــــــــــن"
×× مطار دبي.. "عالساعة 2:15"..
ما ادري شو أوصف شعوري وأنا توني وصلت بلاد انولدت فيها بس ابد ما عشت بها.. مدري هو شوق لها ولا خوف.. مدري هل بحب ترابها ولا خلاص قعدتي في لندن نستني ريحها ولون رملها.. استقبلتنا أختي ابتسام مع ريلها وولدها الصغيروني "جاسم" فديته من زمان ما شفته ولا لعبت معاه.. وهذا بيت ولد عمي خالد شو بيكون؟؟ أنا ما اعرفه وايد بس أكثر وحدة معاي هي بدور بس بالفترة الماضية ابتعدت عنها.. وبعد فترة وصلنا راس الخيمة ودخلنا الملحق وكان تقريبا على قبل المغرب بساعة ما اهتميت اسلم لحد لأني كنت مول تعبانة.. رحت وحدة من الحجر وعلى طول رقدت..


.................................................. .................................................. .............

شو رايكم باللي صار.. شجن واليازية وشريفة وابتسام وناصر و.. و.. و.. بتتعرفون على غيرهم ولا؟؟ حور شو بيكون موقفها.. شو بيسوي الحزن فيهم؟؟ ما يحتاي أقول أكثر.. انتظروا الجزء القادم..





 


مصيـــر اللي مقاطعني .. يجيله يوم يذكرني ..
حتى لو آخر يوم .. يحضر عـــزاي و يدفني ..
 
قديم منذ /19-01-2007, 11:16 PM   #3

لوسيندا
بنوتة مبتدئة

    حالة الإتصال : لوسيندا غير متصلة
    رقم العضوية : 16625
    تاريخ التسجيل : Apr 2006
    العمر : 32
    المشاركات : 85
    بمعدل : 0.01 (مشاركة/اليوم)
    النقاط : لوسيندا will become famous soon enough
    التقييم : 68
    تقييم المستوى : 19
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 629
    استعرضي : عرض البوم صور لوسيندا عرض مواضيع لوسيندا عرض ردود لوسيندا
    تجديني هنا :
     MMS :

MMS

افتراضي

:) تسجيل حضور ولي عودة

دُمتي مبدعة غلااتي زهووورة





 


فديت برنسوو أنا
>> قصتي اليديدة " ناظِر جموح الخيل تعرف عِزتي
http://www.banaat.com/vb/showthread.php?t=85470
شرفوني بمروركم

من مواضيع : لوسيندا

 
قديم منذ /20-01-2007, 08:22 PM   #4

رمش الهدى
بنوتة CooL

    حالة الإتصال : رمش الهدى غير متصلة
    رقم العضوية : 323
    تاريخ التسجيل : Jul 2005
    المشاركات : 600
    بمعدل : 0.09 (مشاركة/اليوم)
    النقاط : رمش الهدى is on a distinguished road
    التقييم : 22
    تقييم المستوى : 19
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 2
    زيارات ملفي : 1395
    استعرضي : عرض البوم صور رمش الهدى عرض مواضيع رمش الهدى عرض ردود رمش الهدى
    تجديني هنا :
     MMS :

MMS

افتراضي

أهنئكم على عودتكم غالياتي

و لطالما انتظرت

لي عودة قريبة بعد قرائتي للجزء

ملاك البنات

:)





 

 
قديم منذ /20-01-2007, 09:16 PM   #5

رمش الهدى
بنوتة CooL

    حالة الإتصال : رمش الهدى غير متصلة
    رقم العضوية : 323
    تاريخ التسجيل : Jul 2005
    المشاركات : 600
    بمعدل : 0.09 (مشاركة/اليوم)
    النقاط : رمش الهدى is on a distinguished road
    التقييم : 22
    تقييم المستوى : 19
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 2
    زيارات ملفي : 1395
    استعرضي : عرض البوم صور رمش الهدى عرض مواضيع رمش الهدى عرض ردود رمش الهدى
    تجديني هنا :
     MMS :

MMS

افتراضي

زهرة حياة & الملاك الحزين

كم أسعدت بعودتكن غالياتي

مع جزء أكثر من رائع

تحمل معاني كثيرة

مع إنها أخذت على الهدوء فيها

لكن كم حملت من معاني

غاليتاي أهنئكم على هذا الجزء

و أهدي لكم هذي الوردة


بمناسبة عودتكما إلى القصة

و بمناسبة لن أقولها >>>خخخخخخخخخ سر من الاسرار>>صدق إني ملقووفه

و أتم الله صداقتكما إلى الأبد إن شاء الله و جعلكما توأم روحين في كل خير

أما بعد فرأي بالجزء

يحمل ألغااز

و لكن الإثارة قاادمة و نحن بانتظارها

و الشكوك تراودنا من جميع النواحي

كم رغبت بأن تذكري لي أعمار شجون و ابتسام

كي أحلل بعض الافكار

و لكن سننتظر

و أرجوا أن لا يطول الإنتظار

غاليتاي و الآن قبل أنأودعكم سأقدم لكم هذه الوردة

التي حدثتكم عنها>>آآخ بس مع التفلسيف

http://flowergirls.biz/images/arrang...ls-Fantasy.jpg

إليكن بدل الوردة بااقه


دمتم لي

ملاك البنات

:)




 

 
قديم منذ /21-01-2007, 04:04 PM   #6

المـ الحزينـ ـلاك
بنوتة new

    حالة الإتصال : المـ الحزينـ ـلاك غير متصلة
    رقم العضوية : 30227
    تاريخ التسجيل : Nov 2006
    العمر : 34
    المشاركات : 18
    بمعدل : 0.00 (مشاركة/اليوم)
    النقاط : المـ الحزينـ ـلاك is on a distinguished road
    التقييم : 10
    تقييم المستوى : 0
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 527
    استعرضي : عرض البوم صور المـ الحزينـ ـلاك عرض مواضيع المـ الحزينـ ـلاك عرض ردود المـ الحزينـ ـلاك
    تجديني هنا :
     MMS :

MMS

افتراضي

مشكورة ملاك البنات صدف انج ملاك .. مثلي هههههههههههههه
تسلمين على مرورج و دمتي لنا أخت عزيزة و غالية و لا حرمنا الله من ردودج يالغلا ..
بس انا زعلانة من العضوات .. أحيد في ناس كانوا متخبلين عشان يقرونها و ذلونا عليها .. وينهم الحين ما عطونا رايهم بالقصة >> تعرفين عمرج ههههههههه

اووه نسيت اقولج يا ملاك البنات .. تسلمين عالوردة و الله انج أحلى وردة >> اوه اسحب الكلام أخاف حد يغار





 


مصيـــر اللي مقاطعني .. يجيله يوم يذكرني ..
حتى لو آخر يوم .. يحضر عـــزاي و يدفني ..
 
قديم منذ /21-01-2007, 09:21 PM   #7

شظايا دموع
بنوتة محلقة

 
    حالة الإتصال : شظايا دموع غير متصلة
    رقم العضوية : 306
    تاريخ التسجيل : Jul 2005
    المشاركات : 227
    بمعدل : 0.03 (مشاركة/اليوم)
    النقاط : شظايا دموع is on a distinguished road
    التقييم : 20
    تقييم المستوى : 19
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 1183
    استعرضي : عرض البوم صور شظايا دموع عرض مواضيع شظايا دموع عرض ردود شظايا دموع
    تجديني هنا :
     MMS :

MMS

افتراضي

`*:•ألم وأمل•:*´

الفصــــــــــــــــالثالث ـــــــــــــــــــــــل:..آمـــــــــــــــال غــــائـــــبــــــــــــــــة..


:

الجــــــالثانيـــــــــــزء:دمـــــــDmoo3ــــــــوع
:
تصوروني الناس أغني وأنا من الداخل مجروح.. روحي مثل الطير ترفرف. شو يرقص الطير المذبوح غير الألم.. الحزن.. العذاب و الجروح..
:
:
:
"حــــــــــــــــــــــــــــــــــــــــور"
شو معني الحزن و معنى الدمعة وسط الأعيان
شو معنى كلمة الضحكة وفرح في الحشا مليان
شو معنى الخيانة والغدر ومعنى كلمة الآمال
كرهت الأهل وصدى كلمة معناها الأهل

رجعنا من المدرسة مع ولد عمي خليفة.. وأنا خايفة من اللي بيصير.. خايفة من أحلامي وين بتويديني.. بغيت أسأل خليفة عن عمتي إذا وصلت.. بس أبد.. الشجاعة ما عبرت بابي.. خايفة أسأل.. أو.. ما ادري محتارة.. عقلي بصوب وقلبي بصوب.. يا ربي ألهمني الشجاعة والثبات..
بدور ريحتني من الصراع النفسي اللي بداخلي..

بدور: خلوف حبيبي.. عموتي وصلت؟؟
خليفة: هي الصبح..
بدور : تقهرون وليش ما رديتوني البيت حزتها..
خليفة: مب فاضين لج..
بدور:خلوف.. أنت تعرف شكثر أحبها.. فديتها عسل..

تدرون بهذي اللحظة نزلت دمعة حرقت لي عيوني.. عمتي وما اعرف عنها شي.. اسمعهم يتكلمون عنها وأنا.. أنا .. شو بقول.. الكل يعرفها وأنا توني ببدى أعرفها.. شعور بايخ.. آخ يا دنيا.. الله يسامحكم أهلي.. شو كنتوا بتخسرون لو تميتوا بقلب واحد..

بدور: خلوف.. ليش جي تمشي.. اسرع..
خليفة: طالع النصيحة.. احيد الخوات الحلوات اللي يحبون إخوانهم يقولون لا تسرع مب انتي تبغين تنفدينا..
بدور: مشتاقة لعمتي..ابغي اشوفها..
خليفة: دريول مالج وقت ما تبغين اسرع وقت ما تبغين ابطأ..
بدور: هي بعد شو..
خليفة: لا والله.. قومي نزلي.. بسرعة..
ووقف خليفة على الرصيف..
خليفة: يلا بسرعة بطلي الباب.. وطلعي..
بدور"بخوف وشوي بتصيح": حرام عليك.. أنت شو.. ما عندك قلب تعق أختك.. خلوف .. حرام عليك.. فديتك.. يعلني ما ابجيك.. لا تخليني.. أخاف..
خليفة: هههههههههههههههههههههههههههههه صج حمارة..

و أنا في وادي وهم في وادي.... يا ترى شو بيصير بحالي.. فديتك يا بوي .. الله يرغفر لك ويرحمك.. >> لا تنسون تدعون ربكم أنه يرحم أبوي ويغفر له.. ويغفر كل موتانا وموتى المسلمين..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"خليــــــــــــــــــــــــــــــــفة"

طول الوقت والحور ساكتة تمنيت اسألها.. أخفف عنها.. أسوي أي شي بس أشوف ضحكتها.. صح ما أشوفها من ورى هالغشاية .. بس أحس بها.. أحس بضيقها.. لأنها ساكتة وهذا مب عوايدها.. وصلنا البيت.. ونزلوا بغيت أنادي حور بس ما تشجعت.. وهذا أصلا غلط.. حطيت راسي على سكان السيارة وأنا محتار من سكوتها.. رن موبايلي.. وكان ربيعي سلطان..

خليفة: السلام عليكم..
سلطان: وعليكم السلام.. هلا الشيخ.. شحالك؟؟
خليفة: بخير..
سلطان: خلوف شو بلاك؟؟ منو مضايق بك؟؟
خليفة: محد.. ما عليك.. تعبان بس..
سلطان: جذب على واحد غيري أنا خابزك وعاجنك..
خليفة: مب متحملك.. بروح أرقد تعبان..
سلطان: خلاص لا تعصب.. يلا مع السلامة..
خليفة: مع السلامة..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"شـجـــــــــــــــــــــــــــــــــــــــــن"

كيف الحياة بوجه الصعاب؟؟ تذكرت أول ما وصلت المطار.. كان ولد عمي خالد ومحمد في استقبالنا.. محمد أحلى عن خالد.. بكشخته وكندورته السوداء والغترة الرمادية والنظارة الشمسية .. كان رائع.. وطوله وايد حلو .. تدرون كنت خايفة مع إني بوسط أهلي.. لا تستغربون.. شعوري طبيعي أنا عشت بعيدة عنهم.. و أختي ابتسام بعد كانت موجودة.. علاقتي وياها مب لين هناك.. بس خففت التوتر شوي.. وصلنا البيت بعد درب طويل وتعب من السفر.. وأول واحد شفته كان خليفة ومعاه ولد محمد سعود.. كان يجذب بنظرته.. كان جدا محترم.. أول ما طاحت عيني بعينه نزل راسه.. وأنا نفس ما قلت مب ملتزمة.. كنت لابسة بدلة وردية وشيلتي وردية وإكسسورات وشعري نصه ظاهر.. وسلمت على حرمة ولد خالي "نورة" وخذتنا للملحق عسب نرتاح.. بدلت وانسدحت على الكرفاية.. ما ادري حست إني بستصعب تواجدني هني وبستصعب الأفكار و العادات اللي اهنا.. مسكت موبايلي لقيت ربيعي جون وربيعتي كارولينا من المدرسة مطرشين لي مسج يطمنون علي.. مدرستي كانت مختلط.. ومتعودة على إني أكلم شباب وآخذ وأعطي معاهم..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"بــــــــــــــــــــــــــــــــــــدور"
رديت البيت وأنا بحالة فرح.. دخلت البيت لقيت عموتي قاعدة تسولف مع أمي وبنتها ابتسام..
الله على فرحتي كيف كانت..
بدور: عموتي.. هلا .. نورت البلاد.. شحالج الغالية؟؟

لويت عليها من خاطري..

شريفة: هلا .. هلا بحبيتي .. شحالج؟؟
عهود: مالت عليج خليني أسلم عليها
ابتسام: من لقى أحبابه نسى أصحابه.. مالي رب أنا..
بدور: اوه.. آسفة.. نسيت..

صدت عمتي لحور..

شريفة: أنت حور؟؟
حور: هيه.. هلا عمتي شحالج..

وحبتها على راسها..

حور: اسمحوا لي أنا تعبانة بروح أرقد..
شريفة: بنتي ما قعدت معاي.. تراج من ريحة الغالي..
حور: المرة الياية إن شاء الله..
بدور: ما عليج منها عمو.. أنت قولي لي شحالج.. اشوفج إلا كاشخة.. محلوة.. قولي لا تستحين شو من الكريمات تحطين..
نورة: شو هالكلام.. ما تستحين ترمسين عمتج جي..
بدور: امي أسولف..
شريفة: خليها براحتها..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"حــــــــــــــــــــــــــــــــــــــــور"

تدرون من وصلت البيت وأنا أصارع أفكاري.. ما ادري شو شعوري..أحس مرات إني ما أحبها.. يعني عمري ما شفتها.. حتى بوفاة أبوي ما اهتمت تسأل عنه.. بمرضه.. كنت الوحيدة إلى اقاسيه.. محد اهتم يسأل عنه أو يطمن عليه.. بكل لحظة من لحظات ضعفي محد حاول يساعدني أو يخفف عني.. الحين !!!!!!!!!!!!! ما ادري.. ما ادري..

..&*^( أحس بالكون بدون إحساس.. أحس بأفكاري تعاديني.. وقلبي ما هو بملكي ولا إني أتحكم بنبضه..)^*&..

دخلت.. وشفتها.. وعرفتها.. حسدت بدور.. تسلم عليها وتعرفها وتضحك معاها.. ومتعودين على بعض والغربة ما فرقت من بينهم .. بس أنا شو.. ما اعرفها.. أول مرة اشوفها.. أحس بعمري غريبة.. أحس إني بدونك يا بوي ولا شي.. حرقتني عيوني.. عمة أبوي جدامي.. كلمة الحمدلله على السلامة ما ظهرت من شفاهي.. ما ادري ليش؟؟ شجاعتي اهجرتني بلحظة الضعف اللي بدت فيني.. وصراع الدموع اللي في عيني بيذبحني..نزلت راسي.. ما بغيت حد يحس بضعفي و انكساري..وسمعتها تناديني.. صوتها طلعني من أفكاري..

شريفة: أنت حور؟؟

تدرون شو شعوري.. كان مستخفة بالسؤال.. كنت أحسه سيف يقطعني.. عمتي ما تعرفني والغرب يعرفوني أكثر عنها.. معاشريني ومعاشرتنهم أكثر عنها.. مب حلو هالشعور..

حور: هيه.. هلا عمتي شحالج..

وحبيتها على راسها..لحظتها حسيت بدقات قلبي تركض.. كنت اسمعها بوضوح.. إحساس غريب ما ادري شو أوصفه.. حسيت بالقرب من ناحيتها.. بالحب.. بالأمان.. ما ادري .. مشاعر وايد اختلطت علي.. ما ادري شو أوصفها.. إحساس بالود تملكني.. تمنيت أتم الدهر كله قبالها.. لانسانة عاشت مع أبوي.. لانسانة تمنيت أشوفها سنين.. الوصف خاني والجرح زاد.. ودموعي ما ودها تغادرني..خفت أصيح..

حور: اسمحوا لي أنا تعبانة بروح أرقد..
شريفة: بنتي ما قعدت معاي .. تراج من ريحة الغالي..

تأملتها وبعيوني حزن.. ما بغيت أقعد.. شو بقولها.. أبوي مات وانتوا بعاد عني.. قلبي نزف.. على هالكلمة.. ذكرتني بلحظات اتمناها تنمحي من عقلي.. أتمنى امسحها.. اهجرها.. اذبحها.. أي شي.. بس ما أعود اذكرها.. ما أعود اذكر ان ابوي مات ولا قدرت امسح آلامه..

حور: المرة الياية..

وطلعت فوق.. أخاف من عيوني تفضحني.. دخلت حجرتي..وقفلت بابها.. والدموع على عيني تسابق.. حسيت إني غبية.. هذه عمتي المفروض استانس إنها رجعت.. بس خايفة.. خايفة ورب الكعبة خايفة.. خايفة من الماضي شو مخبي لي.. خايفة من وجودها.. خايفة من اللي بيظهر..

لست ادري أي نهاية هي نهايتي..
ولا ادري أخط قدري غير أحزاني؟؟
لا ادري أينتهي همي أم تثلج صدري أناتي
لست ادري أمصيري حياة اعشق فيها ضحكتي
أم يجرح قلبي صدى صمتي و ابتعاد أحبائي
وتبقى ادمعي تفرق قلبي وتمسح أحزاني..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"مـــــــــحـــــــــــــــــــــــــــــــمد"
شحالكم.. شخباركم.. من زمان ما سمعتوا أخباري.. ادري انك مشتاقين لي ولصوتي.. فديتني أخبل.. عمتي البارح رجعت من السفر بعد فترة من وفاة زوجها بالمرض.. حليلها كانت تقاسيه في المستشفيات هناك.. وبنتها شجن معاها..وظلت فوق الخمس السنين هناك.. هذا من غير إنها من عشر سنين كانت تقيم هناك لظروف عمل زوجها.. اللي مب عايبنه الجو أهني كمل شغله برع..أما ابتسام فتزوجت بعد فترة من سفر أهلها برع.. يعني حوالي أربع سنين وما عندها غير ولد "جاسم" .. الكل كان يبغيني أخذها لأني ولد خالها.. بس أنا ما كنت ويه زواج فخذها ولد عمتها وريحني منها .. عمتي صح تضايقت بس هذا نصيب.. ما ادري احس عمتي وايد متغيرة.. يعني القعدة في لندن خربتها شوي.. ما قامت تلبس عباة وعادي تظهر شوي من شعرها.. أما شجن فهذه مشكلة عودة.. بدلتها ملفتة للنظر وتحددها شوي وشعرها البني الأشقر ظاهر هذا من غير المكياج والاكسسوارت .. انقهرت منها لما كنا في المطار وأشوف نظرات الشباب عليها.. ياخي أنتي في بلاد كلها عرب.. مب لازم تسوين بعمرج جي.. بس ما قدرت أرمس وأحرجها جدام الكل.. بكلمها بعدين.. لأن اللي تسويه غلط.. وهي مب صغيرة.. شليت سعود ولدي ورحت بيت اخوي خالد لان الغدا هناك بس بعد ما يرجعون البنات من المدرسة.. دخلت الصالة والكل كان موجود.. عدا حور.. بس خليفة.. كان واقف ويطالع الدري بس ما قدرت أشوف المعنى اللي بعيونه لأنه كان لابس نظارته الشمسية.. بس شكله كان غريب.. سرحان ويفكر..
محمد"بوصت واطي": خلوف..
خليفة: ها..
محمد: شو ها؟؟ شو بلاك؟؟
خليفة: لا ماشي.. بس شو مقعدنا صوب الحريم..
محمد: شعليك انت..وين أبوك؟؟
خليفة: ما ادري..
شريفة: محمد.. تعال أنت تعال.. عيل تتزوج من برع ونحن ما ندري عن سواد ويهك.. وعندك ولد ونحن ما ندري..

خليفة قعد يضحك علي.. مالت عليك من ولد أخو..

محمد: جب خلوف.. لا اكفخك طراق..
خليفة: ههههههههههههه.. ما قدرت عليها .. تشتغل على اللي اصغر عنك..
محمد: مالت عليك... يـــــ.....
شريفة: محمد.. قاعدة أكلم منو؟؟ شو ما تسمع؟؟
محمد: اوه سوري.. بس بيني وبين خلوف سالفة..
عهود: انتو ما شبعتوا سوالف يوعانة أنا..
ابتسام: هي صدق من الصبح مب ماكلين شي..
شريفة: صدقج.. البنات ردوا من المدرسة..
محمد: بدور.. انت بعدج ما بدلتي.. نبغي ناكل..
بدور: رايحة عمي الحين..
محمد: إلا حور وين؟؟
شريفة: ما ادري بها سلمت وركبت..
عهود: بروح أناديها عشان الغدى..
محمد: خليج أنا بروح..
ركبت فوق ودقيت باب حجرة حور.. بس ما فتحت لي الباب.. ناديتها.. بس بعد ما ردت علي.. خفت عليها.. فتحت الباب كان مقفول..دقيت أكثر..
محمد: حور.. فتحي لا تخليني اكسر الباب..

بعد فترة حصلت الجواب.. فتحت لي حور الباب.. بس كانت منزلة راسها..

محمد: حور شو بلاج؟؟

رفعت راسها.. أشوف عيونها حمرة.. تصيح!!!!!!!!!!!!!!!ليش؟؟؟؟؟؟؟؟؟؟؟؟؟

محمد: حور.. شو بلاج؟؟
حور: لا تخاف ما فيني شي بس قريت قرآن وصحت.. عادي..

مسحت دموعها وابتسمت لي ابتسامة باهتة.. بس ادري إنها تسكتني بها..

محمد: حور.. أنا اعرفج ما تجذبين..
حور:................................

سكتت بس دموعها ما توقفت .. نزلت وحدة غصب.. مسحتها بأيدي..

محمد: حبيبي شو بلاج؟؟ قولي؟

سكتت شوي .. بس بعد هالصمت بكت..

حور: مشتاقة ..........لأبوي..

كسرت خاطري بهذي اللحظة.. ما عرفت شو أرد عليها.. وادري إني مب حاس بها.. هي متعلقة بأخوي بقو.. وتحبه أكثر عن نفسها..

محمد: حور.. اهدي.. هذه حكمة رب العالمين..
حور: أدري.. بس ..أحس بخوف بدونه..
محمد: تخافين وأنا موجود.. تبغيني ازعل..

ابتسمت ابتسامة قصيرة وبسرعة اختفت.. حسيتها هدت شوي..

محمد: يالله.. غسلي ويهج ونزلي تحت تغدي..
حور: ما ابغي مب مشتهية..
محمد: وتبغين عمو تزعل؟؟ ولا تبغيني أنا ازعل؟؟
حور: لا عمي.. ما تهون علي ازعلك.. خلاص.. بغسل ويهي وبروح..
محمد: لا تتأخرين..

الله يحميج.. حور.. دايم تحيريني.. انسانة حساسة.. ضايعة بمشاكلنا نحن الكبار..

... ــــــــــــــــــــــــــــــــــــــــــــــــــ ــــــــــــــــــــــــــــــــــ....

×× اليــــوم اللي عـقبــــــــه..

في بيت بو خليفة " خالد "
الكل كان مجتمع في الصالة يسولفون وي بعض ..
بدور : إلا عمي ليش ما تاخذنا البر نسير نتغدى صوب اليبل و الله من زمان خاطري اروح ..
نورة : جب يلا جب وراج امتحانات أنتي و حور ما شي طلعة .. نبى نسب ترفع الراس ترا ..
بدور : انزين امايه شوي بس نريح من صدعة الدراسة الله يخليك عمي وافق ..
محمد : و الله اسألي عموه جان رضت باخذكم ..
بدور : ها عموه شرايج ..
العمة تسوي عمرها تفكر : ممممممممممممممممممممممم أنا حرمة عيوز ما فيني هبة عالرحلات ..
علياء : ههههههههه حليلج يا بدور الحين حصلي لج حد يقنعها ..
شجن و هيه تلعب وي سعود ولد محمد : أمي هيه و الله خلنا نسير .. حرام عليج تقفطينها ..
العمة : انزين انتي حور شو رايج ؟؟
حور سرحانة : ها .. ما اعرف كيفكم بس انا ما بسير ابغي اذاكر ..
بدور "بخاطرها ": دومها تخرب علي وناستي ..
العمة : انا ما بسير بدون حور ..
شجن : بللا حور وافقي الله يخليج نبغي نستانس ..
حور : على راحتكم سووا اللي تبونه ..
محمد : الحين شو ؟؟ بتروحون و لا لأ ..
العمة : هيه خلاص اتوكل ورا باجر بنسير ..
بدور و هيه تلوي على عمتها و تحبها فوق راسها : فديت عموتي انا ..
حور " تطالعها و فيها غصة " : آآآآآآآآآآآآآآآآآآآآآآآه
محمد : انزين عاد زهبوا لنا غدى يفتح النفس .. نبى نترس الكرشة ..
نورة : ان شاء الله خير ..
حور : اوقفت و هيه منصدمة ...

الكل شافها و استغرب ..

العمة : شو بلاج حور ..
حور خايفة : خليفة يصارخ .. ما تسمعون ..
خليفة " في غرفته : الحقوااااااااااااااااااااااا علي الحقواااااااااااااااااااااااااا علي ..
حور أول وحدة راحت تركض صوب حجرة خليفة .. و عقبها نورة و بدور .. عقب يووا الكل و طبعا آخر وحدة العمة لأنها عيوز ميودة العصا و تتناقز بها >>>> ههههههههههههههه
... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"مـــــــــحـــــــــــــــــــــــــــــــمد"
جي بحصل وقت عشان ارمس شجن و اقولها ان هاللبس اللي تلبسه ممنوع تلبسه و لو على قص رقابنه .. مب حالة كل ما طلعت لبست الوان قوس قزح كلها و ترست ويهها كله صبغ و هالكشة اللي مطلعتنها من جدام .. شو تم طلعي شعرج كله احسن بعد .. بس انا ليش مهتم بها كيفها تسوي اللي تبغيه انا مب ولي امرها عشان اتحكم بها .. بعدين عندها ام تتحكم بأمورها و تقولها الصح و الغلط .. انا شو هامني ليش اتدخل بشي مالي شغل فيه ..
محمد و هو يقص على عمره .. انا شو اقص على عمري هيه بنت عمتي و اكيد لي امر عليها و اذا كنت ابي انصحها هذا لأنها بنت عمتي و سمعتها من سمعة العايلة .. مب لشي ثاني ... بعدين نحن عايلة لها قدرها في المجتمع ما تيي وحدة فينا على آخر الزمن و تخرب هالسمعة بسبة كمن شعرة تطلعها تخسي الا هيه برمسها يعني برمسها و يصير خير يوم الرحلة ..
... ــــــــــــــــــــــــــــــــــــــــــــــــــ ــــــــــــــــــــــــــــــــــ....

"خليــــــــــــــــــــــــــــــــفة"
آآآآآآآآآآآآآآآآآآآآآآآآآآآآآآآآآآآآآآآآآآه يا قلبي ... قلبي يعورني .. بس ما اتحمل اكيد انا أحبها ما اروم اتحمل أكثر من جذي .. ما ارقد الليل بسبتها .. صورتها اربع و عشرين ساعة فبالي مب راضية تخوز عني .. كل ما اشوفها احس بشعور غريب .. كل شي فيها حلو .. ضحكتها .. صوتها .. عيونها .. بسمتها .. كلامها .. كل شي حتى دمعتها حلوة ... فديتج يا حور فديتج و فديت اسمج و كل شي فيج .... آآه و الله و صرت تحب يا خليفة .. الحقواااا علي الحقوا .. بتخبل .. بيصير لي تخلف عقلي .. الحقواااااااا علي .. الحقواااااااااااااااااااااااااااااااااااااااااااا علي " و هو يصارخ بصوت عالي "
... ــــــــــــــــــــــــــــــــــــــــــــــــــ ــــــــــــــــــــــــــــــــــ....


×× في غرفة خليفة..

حور دخلت اول شي و شافت خليفة طايح عالأرض ..
حور : خليفة شو بلاك .. خليفة !!!
خليفة : حور حور احبج يا حور ..
حور : !!!!!!!!!!!!!!!!!!!!!!!!!!!!!!!!!!!!!!!!
دخلت الأم في هالوقت و وراها أهل البيت كلهم ..
الأم : فديتك يا ولدي .. شو بلاك امي .. عسى ما شر ؟
خليفة : اماية تعبان .. الحقي علي اماية قلبي يعورني ..
محمد : قوم وياي بناخذك المستشفى ..
خليفة سكر عيونه : ....................
العمة : بسم الله عليك .. عين و ما صلت عالنبي .. ييبوا لنا ماي بنرشه على ويهه ... يمكن يقوم ..

بدور راحت ركيض صوب المطبخ و يابت ماي بارد شوي و ردت و عطته حق العمة ..و قامت العمة ترش على خليفة قطرات من الماي ..قام خليفة و هو يتنافض .. قومته امه و محمد و رقدوا عالسرير و غطوه .. و خلوه بروحه و امه قاعدة وياه .. حور قعدت تراقب الموقف من بعيد و هيه منصدمة .. معقولة معقولة !!!و عقب ما طلعوا راحت ركيض صوب غرفتها و قفلت على عمرها الباب ..

و الكل كان زيغان على خليفة بس خلوه يرتاح و ردوا الصالة ما عدا الأم .. محمد كان طالع براا بسرعة ..
بدور : عمي وين ساير ؟؟ نبغي نعرف شو بلاه خليفة
محمد : خليفة ما فيه شي الحمد لله بس بسير اييب دكتور عسب نتطمن عليه .. الله يستر ..

.................................................. .................................................. .............

بس وايد طولنا عليكم.. كنا بنكمل.. بس نراعي التشويق.. شو بيستوي.. محمد بيكلم شجن؟؟ شجن بتتأقلم مع البنات؟؟ حور شو بيكون موقفها عقب الكلام اللي سمعته من خليفة ..و خليفة شو سالفته ليش اعترف لها بحبه بهالسرعة .. اليازية.. ما رمسنا عنها هالمرة.. شو بيستوي لها؟؟

××زهرة ح ــياة & المـــــ الحزينـ ـلاك××




 

 
قديم منذ /22-01-2007, 09:56 AM   #8

UAE GIRL
بنوتة محلقة

    حالة الإتصال : UAE GIRL غير متصلة
    رقم العضوية : 6885
    تاريخ التسجيل : Oct 2005
    المشاركات : 164
    بمعدل : 0.02 (مشاركة/اليوم)
    النقاط : UAE GIRL will become famous soon enough
    التقييم : 73
    تقييم المستوى : 20
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 3
    زيارات ملفي : 1167
    استعرضي : عرض البوم صور UAE GIRL عرض مواضيع UAE GIRL عرض ردود UAE GIRL
    تجديني هنا :
     MMS :

MMS

افتراضي

وأخييييييييييرا جزء يديييييييييد ..

مابيغيتن تحطن حشاا ..

مشكوراات عالجزء الحلو والحمــدلله طويل ماشالله ..

وأحلى موقف صراحه يوم خليفه يصارخ :msn_tongu ..

يلا ننتظر الجزء الياااااي .. وياليت اليوم ينحط ..




 

 
قديم منذ /22-01-2007, 10:58 PM   #9

شظايا دموع
بنوتة محلقة

 
    حالة الإتصال : شظايا دموع غير متصلة
    رقم العضوية : 306
    تاريخ التسجيل : Jul 2005
    المشاركات : 227
    بمعدل : 0.03 (مشاركة/اليوم)
    النقاط : شظايا دموع is on a distinguished road
    التقييم : 20
    تقييم المستوى : 19
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 1
    زيارات ملفي : 1183
    استعرضي : عرض البوم صور شظايا دموع عرض مواضيع شظايا دموع عرض ردود شظايا دموع
    تجديني هنا :
     MMS :

MMS

افتراضي

UAE GIRL
مشكورة على الرد.. وبعدين تدرين مشاغل الدنيا وااايد عسب جي تاخرنا..
هي الجزء طويل بس اشوف ردج مول مسكت اطول عن الجزء بخمسين سطر..
وتراج واايد طماعة تونا نزلنا الجزء .. بعد تتمنكرين تبغين الجزء اليوم..
بسج طمع.. انت بس ادعي الله يعطينا الهام نحط لج الجزء بسرعة..
:
:
:
توقعت ردود اكثر.. بس انصدمت..




 

 
قديم منذ /22-01-2007, 11:57 PM   #10

&قمرهم كلهم&
بنوتة new

    حالة الإتصال : &قمرهم كلهم& غير متصلة
    رقم العضوية : 31646
    تاريخ التسجيل : Dec 2006
    المشاركات : 19
    بمعدل : 0.00 (مشاركة/اليوم)
    النقاط : &قمرهم كلهم& is on a distinguished road
    التقييم : 10
    تقييم المستوى : 0
    الأسهم : 0 (أسهم/سهم)
    الجواهر : (جواهر/جوهرة)
    عدد الدعوات : 0
    زيارات ملفي : 375
    استعرضي : عرض البوم صور &قمرهم كلهم& عرض مواضيع &قمرهم كلهم& عرض ردود &قمرهم كلهم&
    تجديني هنا :
     MMS :

MMS

افتراضي

يالله تكفون نزلولنا جزء صراحه تحمست ومشكورات على الجزء الاكثر من رائع ونحنوا في الانتظار





 

مسكت القلم لاكتب همومي...فبكى القلم قبل ان تبكي عيوني
من مواضيع : &قمرهم كلهم&

 
 

الكلمات الدلالية (Tags)
أمل, المـ, الحزينـ, بعد, حياةand, زهرة, غياب, ـلاك, وملل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

الساعة الآن 03:25 PM


Powered by vBulletin® Version 3.8.11
Copyright ©2000 - 2024, vBulletin Solutions, Inc.
Adsense Management by Losha
جميع الحقوق محفوظة لـ شبكة بنات دوت كوم © 2014 - 1999 BANAAT.COM