[بشائرالخير]

يعطيك العافية اختي maha فكرة حلوة صراحة

أنا عن نفسي باذكر شيء من يومياتي في رمضان اذا سمحتي لي ..

طبعا انا لازم كل رمضان اختم القرآن مرتين بالشهر فعشان كذا اقسم الاجزاء اللي اقراها جزأين يوميا وبكذا اخلص كل ختمة في اسبوعين وانا الان الحمدلله بالجزء الثامن لاني ناوية ان الله اختمه 3 مرات هالسنة والله يعينني على هالشي

صلاة التراويح عندي شي أساسي مأحب افوته ودائما يكون بالمسجد واذا ماحصل بالبيت بس افضل المسجد لانه يكون خشوع أكثر
أحب أكثر من الصدقة بهالشهر الفضيل ودائما لما أسوي الفطور لاهلي احتسب اجر تفطير الصائمين

وبصراحة انصح جميع اخواتي مايفوتون فرص الخير العظيمة بهالشهر

تخيلوا اننا دخلنا مغارة كنوز كبيرة وحددوا لنا وقت معين عشان نجمع منها اللي نبغى اكيد ماراح نضيع الوقت باللعب والاشياء التافهة وبنجلس نجمع اكبر قدر من الكنوز وراح نستغرب من اللي جالسين مايستغلون الفرصة فيها..
هكذا رمضان اشبه مايكون بمغارة كنوز لها وقت محدد وابواب الخير فيها كثيرة حرام اننا نضيعها بالسهر واللعب والمسلسلات وهذا شي مايتقبله العقل..

انصحكم لوجه الله اخواتي استغلوا كل ثانية ودقيقة في هالشهر الفضيل وخصوصا العشر الاواخر عل الله يفتح هعلى قلوبنا ويبارك في اعمارنا وارزاقنا ..

وتقبلوا خالص ودي