[فشفاشه منحاشه} ~]

بدت أيام العطلة الصيفيه وبدأ الأستهبال والعبط






هذا أخر يوم لنا بالأختبارات الحين نجتمع في بيت جدتي} ~
وطبعا غير التخطيطات والأغراض إلي بنجيبها معنا
ثم أجتمعت الشلة الساعة2 الظهر وتغدينا بعد الغدا رحت أنا و ريم و رند و رئ للملحق حق العيال
عشان نلعب بلاستيشن سباق سيارات :
رغد: أنا و ريم نلعب ثم أنتم تلعبون بعدنا
رؤى: لا والله حنا قبلكم
ريم: أقول أقلبي وجهك حنا إلي قبل لأن يالله يالله أنسحبنا من عند خالاتي
رند: روحي روحي يالبطة
وبدينا هواش ومعط الشعر والضرب لمين سمعنا صوت وتجمدنا
رغد بهمس: شكلهم عيال خوالي
ريم: بس من زمان ماجوا لجدتي بالشهر مررة
رند:أقول شرايكم نتغبى ور المزهريه الكبيرة الشجرة عشان ما يكشفونا صرنا محجورين
رغد: طيب يالله
ونروح نتغبا ورى المزهريه بسرعة وكفانا عشان (عصلات) ههههههه
ودخلوا ..فروس ولؤي وريان ....
رغد: هي أنتم
رؤى:نعم
رغد: قبل شوي نسمع صوت عيال خوالي وشلون صاروا فروس ولؤي وريان.
ريم: ياغباء شكلهم راحوا لجدتي خلونا نطلع عشان نلحق على الوقت قبل مايجون
رند ورؤى: يالله بسرعة
وطلعنا والعيال من الخوف راحوا للحوش بعدين بدا التحقيق منهم وقلنا كل شيء بالتفصيل ثم رحنا من ورا البيت فيه باب ندخل من دون مايشوفونا ثم على طول أنطلقنا لغرفة البنات ونمنا وقمنا الساعة 4 العصر وأكلنا شي بسيط وصلينا ونزلنا لجمعة خالاتي وبناتهم الكبار:
خالتي منال: صح النوم
رغد: الشر مايجيك
الكل: ههههههههههههه
رغد: وش فيكم؟؟ قلت أنا نكته
جنان: تقول صح النوم وأنتي الشرمايجيك
رغد: كذابه
جنان: والله وشوله أكذب يا أم العصاقيل
رغد: روحي بس يالخبلة
جنان: أنقلعي جايين تتهاوشون الأربع أنتو ؟؟
رند,رؤى,ريم: أحنا وش دخلنا يالبرميل ؟؟
أمي أسماء: أسكتوا سجيتونا
كلنا: طيب
ورحنا غرفة البنات فوق و خططنا أننا نطلب من البقاله
حنان باستهبال: أنا أبي عشرين سنكرز
لمى: حشى برميل
حنان: لنا كلنا يا الثمانيه
رغد: عناد ما أبي
رؤى: وأنا ما أحب الشكولاته
رند: مو على كيفكم؟؟ نبي شكولاته صح حنّونه؟؟
حنان: أيه صح
ريم وجنان: نبي بس
قاطعتم لمى بصوت عالي: موعشرين!!
رغد: خلاص خلاص بلا هواش الباقي بالثلاجة بس لاتزعجونا راسي يعورني
لمى: ياهوووه أول مررة رغد تقول راسي يعورني
رغد: يعني أنا ما أتعب صخرة
لمى: أيه
وقمت عليها بالحرب العالمية الثالثة يوم خلصت هواش
قالت رند: بنات ناقص عضوتين من أعضااء الشلة
رؤى: أيه والله أختي ثرثور
رند: وأختي رزان عسى بس أثيروا ما تعديها من النت
رغد: وش رايكم نروح لهم ونقوم عليهم حنا نتعب ونطلب وهم بالنت
جنان: لاتسون لهم شي أرحمهم مافيه أحد كبرهم ..
رغد: أقول روحي أنقلعي
جنان: الحمدلله والشكر
ثم نزلنا أنا وريم ورؤى ورند وحنان ودخلنا غرفة التلفزيون إلي هم فيها لقينا عيونهم بوسط الابتوب و قلنا لهم:
الكل: بوووووووووووووة
أثير ورزان: يمه خوفتونا
رغد: زين رديتوا
أثير: وراه شايفين جماد ؟؟
ريم: أيه
رزان: الحمدلله والشكر
حنان: حنا نطلب فوق وأنتم قاعدين!!
رزان: وين فوق؟؟
رؤى: راحت البنت من النت
أثير: يالله خلصونا وشتبون
رغد: أقول لايكثر روحوا فوق بسرعة عشان نعرف وش تبون
رزان: ليش أن شاء الله؟
حنان: تقول ليش ياربي قومي عشان البقاله
أثير ورزان يقومون بسرعة: يالله عشان نرجع للابتوب
رغد: طيب يالله روحوا وأنا وريم نلحقكم
أثير: طيب يالله بنات
البنات: يالله
وراحوا البنات ثم أخذنا أنا وريم الابتوب وغبيناه في درج مكتبة التلفزيون إلي تحت وحطيناه فيه وقفلن عليه بالمفتاح وأخذناه معنا ثم رقينا فوق للغرفة:
جنان: وينكم أثير ورزان جوا وأنتم ما جيتوا؟؟
رغد: لابس رحنا نشرب مويه
جنان: باين
ريم: أزين لاتصدقين
جنان: خلاص الحين بيجي البقالة
رغد: متى يجي؟؟
لمى: الحين
ريم: متى الحين؟؟
جنان: أعوذ بالله خلاص بيجي بعد شوي بس أنتم أسكتوا
رغد: أقول روحي أنتي يالمايعه
حنان: بنــــــــاااااات
البنات: نعم
حنان: شفتوا اليوم شريت شريط فلم رعب وش رايكم نناظرة ؟؟
ريم: طيب نشغلة إذا جت البقالة
لمى وجنان: لاوالله لا تشغلونه نخاف
رغد: لامو على كيفك تخافين أطلعي من الغرفة وفكينا...
لمى: أنتي إلي فكينا وأنقلعي أنتي وجهك
رغد: أولاً ماني طالعة ثانياً لو بطلع أكيد بطلع أنا وجهي أجل أخليه
لمى: ها ها ها بايخة
وقطع علينا صوت رند ورؤى جايبين معهم الطلبات أكلنا وشفنا الفلم وجنان ولمى طلعوا برا الغرفة راحو يجلسون مع خالاتي ثم بعد كذا خلصنا وضفينا كل شي وصارت الساعة 8 بالليل المهم رحنا لسوق مع البنات الكبار من غير مايدرون أثير ورزان عشان مايعرفون من إلي غبّا الابتوب ثم يضربونا طبعا معنا فارس ولؤي وريان .















تتوقعون يدرون أثير ورزان؟؟
وإذا رحنا للسوق وش بيصير لنا ؟؟