.... ,, بداية اليوم الرمضاني الجميل ..
على صوت منبه جوالي الأخّاذ ..
ما أكلت شي بس شربت ماء لأني طول الليل وأنا أبلع .. 
..
أذن الفجر , وصليت .. بعدين دايركت للسرير ..
"أذكار بعد الصلاة ..,, الاستغفار 33 مرة , وقراءة آيه الكرسي "
قمت من النوم, وكانت الساعة 9 تقريباً
بس قعد أتمطط وأتمغط وأتلين لين صارت الساعة 11 ونص
بعدين قفزت من السرير وبدا النشاط عاد 
وغسلت وجهي .. كانت عيني حمرا من أمس وهي تحكني ,, قعدت أدور قطرة للعين ما لقيت وأمي كانت نايمة فما قدرت أسألها
وطلعت للصالة لقيتها حوسة وبدت حركات السناعة ..
بعد هذي الحركات الرياضية ,, قلت خل أقعد شوي أشوف ايميلات و... الخ ..
بس لقيت الجهاز يبيله أبديتات <~ جمع أبديت خخخ
فخليت الجهاز مع نفسه 
ورحت أقرأ قرآن ..
سورة يونس ..
سورة من أجل السور واشملها لمحاجة منكري البعث والربوبيه والألوهية ..
وبجانبي كتاب الشيخ ابن سعدي للتفسير
"تفسير الكريم الرحمن في تفسير كلام المنان "
.. اذا اشكل علي فهم آية أو كلمة ..
كان الجهاز توه ما خلص أبديت
وأذن الظهر , فرشت سجادتي
"قال رسول الله صلى الله عليه وسلم :من صلى في يوم وليلة ثنتي عشرة ركعة بني له بيتا في الجنةاربعا قبل الظهر وركعتين بعدها وركعتين بعد المغرب وركعتين بعد العشاء وركعتين قبل صلاة الفجر"
بعدين قريت جزء بسيط من كتاب "قطاف الأفانين"
للكاتبة ندى الكريديس ..
الكتاب عبارة عن فوائد بسيطة عن بعض الآيات في كل سورة ..
يعني جميل ويعين على التدبر ..
