SMS : الله يجمعنا بجنتهـ يآرب ..
حبيبتي انا الكلام الي حقوله مو خراابيط وفلسفة وبس دا عن تجربة ومشاهدة وانا كل العيلة الي عندنا سمينين و زي الرابح الأكبر كماان و ترى انا كمان عمري 15 عالعموم اول شي انتي لازم تعرفي هل فعلا وزنك زايد؟؟؟ كم طولك؟؟ قوليلي كم طولك واقولك الوزن المثالي ثاني شي اياااكي اياااكي تعملي ريجيمات الريجيم عشان بنجح لازم تستمري عليه طول حياتك وطبعا هالشي مو صح انك تحرمي جسمك من اشياء طول حياتك لمن تعملي ريجيم وفكرته تحرمي نفسك من الحلويات الدماغ حيفهم انو الجسم بيمر بمجاعة بعدين لو يوم قررتي تاكلي لو قطعة صغيرة شوكلاتة الجسم حيخزنها كلها بدال ما ياخد حاجته وتزيدي اكتر من الي نقصتيه طبعا دا مثال عالسكر و زي كده انتي المفروض تعملي شيين 1-الرياضة الرياضة ضرورية لمن بتنحفي لأن انتي بينقص وزنك وبدون الرياضة حيصير فيه ترهل ولأن هيا اساسا تنحف اذا حابة مني مساعدة برضو في الرياضة قوليلي واحط لك رياضات شد الجسم 2-عادات الأكل القاعدة الي تقول اكل الين ما اشبع واحس انو ما اقدر اكل سيبيهااا تماااما امشي على قاعدة جديدة اكل الين ما احس اني ماني جيعانة مثلا دحين انتي عالغدا اغرفي صحنك عادي وكليه وخلصيه اذا حابة شبعتي حمد لله لساعك جيعانة اغرفي زيادة ما شبعتي بس منتي جيعانة خلااص لا تغرفي الفكرة من هالعادة انك تصرفي طاقة الي اكلتيه في وقته وترى ما يتعب ولا شي انا اعملها طوول حياتي طبعا الوضع يختلف في السحوور او بتاكلي شي سبيشل و مو دايما تاكلي منه برضو معليش كلي الين ما تشبعي اهتمي بجلستك وقت الأكل اذا تقدري تجلسي الجلسة الي علمنا اياها الرسول صلى الله عليه وسلم كويــسة مررة لأنها تضغط المعدة وتحسسك بالشبع بسرعة وكلي الي تحبيه من الأصناف لا تحرمي جسمك من شي اي سؤال انا حاضرة ومعليش ما في تنسيق ولا شي بس عشان الكلام كتيــر وما فحالي انسقه لووول عالعموم اي احد يستفيد من ردي يقييم