بسم الله الرحمن الرحيم
كنت ناويه أكتب هالموضوع قبل الأختبارات وللأسف كتبته وتعبت والنت قطع ولا صار الموضوع!!
في البدايه حبيت اسوي مقدمه بسيطه !!
مشكله المجتمع مشكله ...الكل ينظر لجيلنا بانه جيل فاشل وكسول وكل شي ولا عاد الي يجي يتكلم مع واحد مراهق ...يعني أسمه مراهق مرحله وتروح طبعا مو معناتها نخليه على راحته بس مايحكموا على الشخص إلا إذا وصل عمره 30 سنه ومافوق لأنه يكون عقله ناضج أكثر وعنده خبره في الحياااة ...!
ممكن أحنا نكون كسولين مثل ماهم يقولوا بس في مرحله معينه ودايما يقارنونا بالأجيال السابقة ...يعني الحين الحياة تطورت وكل شي صار عندنا هم قبل ماعندهم شي يسووه !!
وكل جيل له وقته !! يعني تبغوا جيل اليوم يعيش أمس !!! ماتصير لو في وين؟!!
راح أطول عليكم أدري بس كملوا الموضوع ياريت عشان تعرفون أيش أنا أقصد بكلامي
خلنا نترك الصوره العامه ونتوجهه للبنت خاصه
البنت آآآآه هالبنت الي ماتدري ويش تسوي في عمرها ....اكيد في بالكم بتقولوا قصدها الحجاب !! لا ماقصدي لا هادا مو ظلم بالنسبه لي هادا واجب نسويه لديننا وهادا أمر من الله سبحانه وتعالى ...!!
أنا قصدي أن البنت ماتقدر تتكلم بحريه مثل مالولد يقدر يتكلم
يعني البنت لو تقول أبي أطلع سوت مشكله كبيره في البيت وصراخ وصياح وحالتهم حاله والولد يطلع ويدخل ولا يسأل عن أحد
بتقولوا الولد غير ويشيل عيبه !!! أنتون مو فاهمين أن الحين الحياة مافيه فرق بين الولد والبنت إلا بالشكل واللبس !!!!
يعني الولد يسوي الغلط وبنت تسويه نفسه مافيه فرق بينهم !!!
ولو أن الولد بيشيل عيبه على قولتهم وأنا هادا أكره كلمه في حياتي يحسسونا عاله عليهم !!!
الحين لو الولد غلط الكل يوقف ويقولوا مراهق ومادري وشو بس لو البنت سوت نص الي سواه الولد الكل ضدها ولا يعطوها أي عذر !!!
بختصار البنت لو حبت واحد تظل المسكينه في غرفتها وتسمع أغاني عبد الحليم وفي أيدها صورته وكل يوم قبل لا تنام تموت عليه وتبوسه وحالتها حاله ولا أحد يدري حتى تخاف تكلم روحها !!!
والولد لو حب بنت مايخلي احد من أصحابه مايقول ليهم وعادي عندهم !!!
هل أنت مع أم ضد أن البنت تتكلم إذا حبت واحد او لا؟!
انا بوجهه نظري ....ليش ماتتكلم إذا كان حب عفيف ولا فيه شي عكس أنها تخليه في قلبها وتموت بسكته قلبيه ولا تسوي أشياء غلط من ورا أهلها !!
أتمنى تتفاعلوا مع الموضوع لان هاذي المره الثانيه أكتبه وان شاء الله النت يستوي
lu
الموضوع الأصلي :
مع,أم ضد؟!ولماذا!!
||
القسم :
مـعـنـا أنـتِ مـحـاورة نـاجـحـة
||
المصدر :
منتديات بنات دوت كوم
||
كاتبة الموضوع :
همسة وفاء