يا سلااااام هاي المواضيع اللي تفتح النفس D:
فصل من فصول العمر يجذبني بتفاصيله ، مهما كان عدد المجتمعات اللي عشنا فيها بحياتنا ،
ومهما اختلفت الأعمار والجنسيات والثقافات ، إلا إنه بتلاقي المراهقين " من كل المجتمعات " تجمعهم صفات متشابهة .
ممكن نلاحظ كمثال ، رجل صغير " مراهق " عايش بيناتنا بيسمع نفس الموسيقى اللي بيسمعها مراهق آخر بالصين أو ثايلند !
بالنسبة للمجتمعات العربية ، عنا نظرة خاصة لهالمرحلة ، تعقيد ومبالغة ونظرة مختلفة عن
باقي الأعمار ، كأنه شي جديد واحنا نفسنا ما مرينا بهالعمر !!
مرة كنت بكورس ، وكان في شاب غلباوي شوي وما مخلي حدا من شره ، سألت ست المحاضرة عن
اللي بيصير منه ، ردت عليها المحاضرة معلش بدنا نستحمله ما هوي " 17 " ..
أنا متأكدة ما كان موقف لطيف للشاب ، بس بيني وبينكو هوي اللي جابه لحاله P:
لو جينا ل لفظة مراهقة ، بنلاقيها من الفعل " رهق" بمعنى الجهل ، الحمق ، الشر ..
الصفة " مرهق " بمعنى الرجل الفاسد خفيف العقل الطائش الجاهل المتهم في دينه
قال تعالى: (فزادوهم رهقا ً) * سورة الجن
نيسا ، حبيت كتير فكرة الموضوع ، محتاجين كتير نفهم طبيعة مرحلة المراهقة ،
سواء احنا أطفال ، شباب ، أو حتى كبار بالغين .. فكرتك بس محتاجة تفاعل أكبر ، لاحظت إنه
العضوات الجدد ما كتير بيلاقو تفاعل رغم إهتمام بعض العضوات بالمستجدات ، لكن الفكرة مستاهلة
التفاعل كتير ، بتمنى تطلعوني غلطانة ، وتثبتولي العكس D:
عندي أسماء كتب عن المراهقة ، وشرح وتفصيل ومعلومات كتيرة عن
التغيير العضوي والنفسي المصاحب لهالمرحلة ، لو مهتمين فيا أحكي شوي عنهم (=