[‏°● Д ḿ Ǿ Ř Ħ ●°]

امي نظر عيني دوا كل علـه .. .. من كفها الطاهر شربة الزلالي
وجها سموح وبسمته ماتمله .. .. شلال حبا ماترده الجــــــبالي

طيبه على طيبه وهي الطيب كله .. .. اصل وفصل والشان في الناس عالي
وفي الجد, سيف الحق دايم تسله .. .. ماهمه من كان لو كان خــــالي

يمه تحت امرك, من جـناحك يظله .. .. شخص رخص دنياه لعــيون غالي
وياسعد منهو كان حضنك محـلة .. .. يدفى ولو هبت هبوب الشـــمالي

ولا ياعرب ماقلت شعر اتـــــسله .. .. حبيت ابين للـــــــــملا راس مالي



وهذه أبيات شعرية متفرقة اخترتها قيلت في الأم :

ياليتني بينك وبين المضرة .. .. من غزة الشوكة الا سكرة الموت
سعود بن بندر






ياكبر قلب الام مابه ضغينه .. .. عفت بقدره وسمحت من جحدها
محمد بن راشد



يمـّـه كبـرتي وصـرتي أحلـى من العــام
يـاحلـو ضحكــات التجـاعيـد بيـديــك



أنا يمه رهن طوعك ومن يسراك إلى يمناك
ولو ما طاوعت كفي أقص الكف لو تعصاك

أنا يمه إذا ضاقت بيالدنيا أجي وألقاك
أجي وأبكي على صدرك ولا أرتاح إلين ألقاك

من ياخذ الدمعة لعينه ويعطين .. .. بسمة أمل واعطيه في الناس همي
من خط لي في داخل القلب حرفين .. .. حرفين عز وذاك يفداه دمي
ماغيرها تاجي على حاجب العين .. .. أمي ولاأحد في العرب غير أمي



حب امي فرض واجب والمحبة طاهرة
من بعد ربي لها كل التذلل والخضوع

طفل ربتني وظلت بالليالي ساهرة
تحمل همومي وتمسح من على وجهي الدموع

قدرها عندي كبير فوق النجموم الظاهرة
وعشقى لها يبقى الأصل ولغيرها يبقى فروع



مهما كبرت ابقى بنظر قلبك صغير .. .. والقاك في قلبي كبيرة كبيرة
وانتي اذا جارت عليا المقادير .. .. أهلي وظلي والذرى والعشيرة
ياأجمل اسم صورته التعابير .. .. أمي حديث الحب في كل سيرة