حبتدى بنفسى ماشى .
انا متجوزه من حولى سنه ونص وعند نونه جميله اسمها حبيبه بصراحه هى مليه كل حياتى اللى مش فيها وقت فاضى اعيش فيه حياتى زى الاول .
هى دلوقتى عندها 7 شهور بس عدوا على مش عارفه كانوا صعبين اوى على يمكن عشان دى اول طفله لى ومش كان عندى فكره عن الحياه العمليه للام والطفل بس الحمد لله ادينى بتعلم فيها طبعا بس فى الاول كنت تعبانه اوى طبعا لان مش كان فى نوم وشغل البيت وطلبات زوجى العزيز اللى مش كان عايز يساهم معايا فى البنت بحجه انها لسه طريه ومش عارف يتعامل معاها بس دلوقتى لما كبرت شويه وعرفته هو كمان اتعلق بيها اوى واول ما يرجع من الشغل يسأل عليها يعنى خلاص راحت على مش مهم طبعا المهم انه يشيل عنى شويه وبصراحه بقى متعاون نوعا ما وبيساعدنى .
اما بالنسبه لحبيبه فانا بحاول اتعامل معاها عن طريق نصائح ماما واللى سبقونى فى الانجاب و كمان عن طريق المواقع الخاصه بالاطفال ومراحل نموهم وطريقه التغذيه والنوم والتربيه ويارب اقدر اطلعه بنت كويسه تقدر تنفع نفسها وبلدها . يارب