منتديات بنات دوت كوم - ..[ شريط قناة المجد للأطفال قصص وطرااائف هع ] ..

.
شريط قناة المجد للأطفال .. صارت نكتة العصر وحديث الموسم ..

طبعا ً أنا نادرا ً ما أتفرج على قناة الأطفال

لكن أحيانا ً الواحد يضطر بسبب [ بزورة البيت ] ..

وهات ياتفرج ع الشريط .. لأني من سابع المستحيلات أركز ع الفلم كرتون وفيه شريط

بذكر لكم بعض الرسايل والمشاكل اللي أتسدح عندها من الضحك ..

[ مين يصادقني؟! ]

< أساس الشريط

قالوا سجلت في شريط المجد ؟! قال :ايه .. قالوا قلت مين يصادقني ؟! قال لا .. قال اجل ماسجلت بالشريط

[ زواجات ]

* [ بنات أنا خايفة على بنتي ماتتزوج وتعنس مع انها حلللوة لكن محد خطبها حد ّ الآن .. وعمرها

أربع شهور !! ]
< فديت اللي بتتزوج وعمرها 3 شهور وزوجها عمره 9 شهور

* [بنات تقدم لي واحد مطلق وعندهـ عيال وانا عمري 18 وجمييلة .. أوافق ؟! ]
< الله لا تبلانا

* [ ابي اشتري هدية لزوجي ، بمناسبة مرور سنة .. وش أشتري له ؟! ]
< الله يهنيكم بدون ذكر هالخرابيط .. النت وعمو قوقل مايقصر

* [ أنا تزوجت .. وأحس اني مو قادرة أتحمل مسؤولية بيت كامل .. واستحي أكلف على زوجي .. ومابيه يستغل طيبتي .. دلوني شلون أتعامل معه ؟! ]
<< الله يعين زوجك على نصايح الحريم

[ أسماء ]

*[ أبي اسم يناسب لـ [ كادي ] .. ]

*[ انا اسمي مارلين ,.. وعمري 24 سنة وهو عاجبني انتو وش رايكم ]
< يوم انه عاجبك وشوله تسألين

*[ أنا سميت بنتي [ #### ] حلو ؟! ولا اغيرهـ ]
< احلقوا شنبي ان غيرت اسم بنتها لو ما اعجبهم

[ استشارات ]

*[ طب بيتي حرامي وخايفة يطب مرة ثانية ومو قادرة أنام ]
< بسم الله عليك ؟ وين أهلك عنك

* وشو الرجيم اللي ينحف عشرة كيلو بالاسبوع ؟!

[ ابي أسمن تكفوووون شسوي غير الحلبة !!!! ]
< هذي الحالة بقوة مستعصية ناس تسمن وناس تنحف الله المستعان .. ابن آدم مستحييل يرضى !!
* [ عمري تسع سنين وطلبت من بابا يشتري لي طيارة .. ماما وافقت بس بابا ماوافق .. وخالاتي يقولون نخاف تطيح الطيارة !! ]
<< مانلوم اللي يؤيد قيادة المرأة للسيارة !! هع

*[ عندي حصوة بالكلية شسوي ]
*[ أحس بدوخة ، وانا آكل خلطة فيها خميرة تتوقعون منها الدوخة ]
*[ ابي علاج للكريستول ] < ياليتهم يكتبونه زين بعد
*[ أحس بآلام في المنطقة الفلانية .. علما بأني حامل ليه تتوقعون ؟! ]
[ ولدي ماينام كويس شسوي فيه ؟! ]

< شكلها عيادة مجد للأطفال

[ شلون أذاكرالمادة الفلانية أحس صعب مذاكرتها وانا في كلية #### ]
< لاه احلففي عاااد وين صديقاتك اسأليهم هع ..

[ وشي الخلطة اللي تطول شبر ؟! ]
<< طبعا تستهبل بس رهييييبة خخخخخخخخخخخخخخخخخخ

[ دعواااااااات ]

* بكرة عندي اختبار
* تعبانة
* حامل
* ولد خال ابو جد أمي تعبان

ادعووووا لي ..
.
والكثير الكثير تجدوهـ على شريط قناة المجد للأطفال ..
طبعا دايم أشوف أشياء قصم تفططس .. بس يوم جيت أكتبها عجزت أتذكر ..

ع العموم الموضوع متجدد لي ولكم اللي تشوف شئ يضحك لابأس بالمشاركة .. ..