بلاك بيري ياعرب بلشه
والأوادم فيه مربوشه

وكل شاب مرتبش ربشه
ضايعن في عالم الطوشه

وكل محضورن نعم دشه
تايهن وينبش أعشوشه

والبنات أبحيل مخترشه
وأصبحت الأفكار مخروشه

حتى لونه غيروا نقشه
وخدروا شاشاته وحوشه

لا تبين أشياء منخشه
للبلاوي يشيع منبوشه

من يلس منهم ياهي طفشه
ع المسن ويتابع أطروشه

حد منهم ف المسن عشه
جالس وقايم على عروشه

يرسل ويستقبل بلا نشه
والخبر أون لأين لا يحوشه

عاد مثله ينتعش نعشه
والفكر والنفس منعوشه

والخبر لي ياه لا طشه
غير نكته وصوره مخشوشه

والسوالف كلها دفشه
والنوايا عاد مخدوشه

هذا معا بوشهاب ويحشه
وهذي معا مريم معا عوشه

ما عرفنا كيف بندشه
التطور زادت أقروشه

حسبي الله ع الذي غشه
بالسلع هالناس مغشوشه

حتى أنا منهم في هالربشه
ملتهي في عالم الطوشه

بلاك بيري ياعرب بلشه
والأوادم فيه مربوشه